Santorini i frikësohet sezonit veror turistik për shkak të tërmeteve

Data:

Shpërndaje:

Shkurti shënon fillimin jozyrtar të sezonit turistik në ishullin grek të Santorinit. Por me mijëra tërmete që tronditën ishullin që nga janari dhe ekspertët nuk mund të thonë se kur do të përfundojnë, interesimi i turistëve duket se ka rënë dhe vendi ka frikë se industria më e rëndësishme e ishullit mund të përballet me një vit të vështirë.

“Në dy ditët e fundit, ne kemi parë një rënie të prenotimeve, por shpresojmë që kjo të jetë jetëshkurtër”, ka thënë Antonis Pagonis, president i Shoqatës së Hotelierëve të Greqisë, raporton BBC.

Por edhe nëse turistët nuk zgjedhin të shkojnë diku tjetër këtë vit, hotelet  përballen me mundësinë e mungesës së stafit të mjaftueshëm për t’i shërbyer mysafirëve të tyre gjatë verës.

Santorini, një nga ishujt më të vizituar të Greqisë, mbështetet shumë te punëtorët sezonalë nga pjesë të tjera të Greqisë dhe jashtë saj, të cilët ndihmojnë popullsinë e përhershme prej pak më shumë se 15,000 banorësh, për t’u shërbyer dhjetëra mijëra turistëve në ishull çdo ditë në sezonin e pikut.

Por pasiguria si pasojë e tërmeteve ka detyruar disa punëtorë të rishqyrtojnë opsionet e tyre këtë verë.

“Nuk është se kam frikë nga tërmetet, Santorini dridhet gjithmonë”, ka thënë Manos, i cili ka kaluar pesë verat e fundit duke punuar si banakier në ishull.

Puna e tij është e lodhshme, pasi turmat e njerëzve shtohen gjatë sezonit të pikut turistik, por shpërblimet financiare e kanë bërë gjithmonë të vlefshëm. Këtë vit ai ka frikë se nuk do të jetë kështu.

“Jam i shqetësuar se nuk do të ketë turistë të mjaftueshëm. Nëse sezoni është i dobët, mund të mos fitoj aq shumë para, ose ata mund të mos kenë nevojë për mua gjatë gjithë verës”, ka shtuar ai.

Në vend të kësaj, Manos ka thënë se ka gjetur një punë në Korfuz dhe nuk do të kthehet në Santorini këtë vit.

Dhe nuk është vetëm vera koha kur ishulli kërkon një fuqi punëtore të përkohshme, tani është periudha kur punëtorët e ndërtimit nevojiten për të rinovuar hotelet përpara verës.

Kjo punë është ndalur për shkak të shqetësimeve për sigurinë nga tërmetet, dhe pronarët e hoteleve, të shqetësuar se punëtorët do të shkojnë diku tjetër, po bëjnë presion që qeveria të vazhdojë të paguajë pjesën më të madhe të pagës së tyre derisa puna të fillojë përsëri.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Artikuj të ngjajshëm

Investimet në rrjetin elektrik, bazë për zhvillimin ekonomik dhe pjesë e çmimit të energjisë

Investimet në modernizimin e rrjetit elektrik janë të domosdoshme për furnizim më të sigurt me energji elektrike, uljen...

HELLENiQ ENERGY planifikon të investojë mbi një miliard euro në energji të rinovueshme në Rumani deri në vitin 2030

Kompania energjetike HELLENiQ ENERGY planifikon të investojë mbi një miliard euro në Rumani deri në vitin 2030, me...

TRIM & LUM merr çmimin „TOP Investitor “ në TOP 100 të Odës Ekonomike

Kompania TRIM & LUM është shpërblyer me çmimin „Top Investitor“ në kuadër të manifestimit TOP 100, të organizuar...

Mickoski: Alta Banka nuk do të përfundojë në falimentim, por do të vazhdojë të funksionojë me një pronar të ri

Kryeministri Hristijan Mickoski deklaroi se Alta Banka nuk do të përfundojë në falimentim, por do të vazhdojë të...