Sa të huaj punojnë në Shqipëri dhe nga cilët vende janë?

Data:

Shpërndaje:

Në Shqipëri, rreth 22 mijë të huaj kanë leje qëndrimi, prej të cilëve 54% për punë.

Instituti i Statistikave (INSTAT) njoftoi se po zgjerohet spektri i shtetasve të huaj që vijnë në Shqipëri për punësim, bashkim familjar ose arsye të tjera. Shumica e tyre janë persona me origjinë nga Kosova, Italia dhe Turqia, përcjell portali Monitor.

Në fund të vitit të kaluar, numri i të huajve me leje qëndrimi në Shqipëri ishte 21,940, një rritje prej 2.2% krahasuar me vitin paraprak.

Nga numri total, afërsisht 12 mijë janë për punë. Burrat përbëjnë 61.9% të të huajve me leje qëndrimi, ndërsa gratë 38.1%.

“Grupi më i përfaqësuar moshor është ai nga 30 deri në 39 vjeç”, thekson INSTAT.

Gjatë vitit 2024, numri i personave me origjinë nga Kosova arriti 4,592, një rritje prej 23.7% krahasuar me vitin 2023, ndërsa numri i personave me origjinë nga Italia ishte 3,763, një rritje prej 11.5% krahasuar me vitin paraprak.

Ka rritje edhe tek personat nga vendet aziatike, me 20.1% (4,545 persona), si dhe nga Amerika dhe Afrika me 23.4% (3,028 persona).

Punësimi është arsyeja kryesore për dhënien e 54.3% të lejeve të qëndrimit, pasuar nga bashkimi familjar me 24.5%, arsye të tjera 16.3%, studime 4% dhe qëllime humanitare 0.9%./Monitor.al

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Artikuj të ngjajshëm

Investimet në rrjetin elektrik, bazë për zhvillimin ekonomik dhe pjesë e çmimit të energjisë

Investimet në modernizimin e rrjetit elektrik janë të domosdoshme për furnizim më të sigurt me energji elektrike, uljen...

HELLENiQ ENERGY planifikon të investojë mbi një miliard euro në energji të rinovueshme në Rumani deri në vitin 2030

Kompania energjetike HELLENiQ ENERGY planifikon të investojë mbi një miliard euro në Rumani deri në vitin 2030, me...

TRIM & LUM merr çmimin „TOP Investitor “ në TOP 100 të Odës Ekonomike

Kompania TRIM & LUM është shpërblyer me çmimin „Top Investitor“ në kuadër të manifestimit TOP 100, të organizuar...

Mickoski: Alta Banka nuk do të përfundojë në falimentim, por do të vazhdojë të funksionojë me një pronar të ri

Kryeministri Hristijan Mickoski deklaroi se Alta Banka nuk do të përfundojë në falimentim, por do të vazhdojë të...