Vendi ynë po zë një vend të rëndësishëm të shteteve që po investojnë në Shqipëri. Agjencia Telegrafike Shqiptare ( ATSH ) njofton se ka një rritje të ndjeshme të investimeve të ndërmarrjeve të Kosovës në Shqipëri, krahasuar me vitin paraprak. Krahasuar me vitin e kaluar investimet e sipërmarrjes kosovare në Shqipëri u rritën me 32 për qind në vitin 2024, njofton ATSH. Të dhënat e Bankës së Shqipërisë, bëjnë të ditur se, investimet kosovare janë të përqendruara kryesisht në sektorin e tregtisë dhe ndërtimit. Stoku i investimeve nga Kosova ka arritur në 422 milionë euro, në rritje vjetore me 37 për qind. Totali i investimeve të huaja ka arritur vlerën e 1 miliard e 580 milion euro.
