Qeveria sot miratoi ribalancimin e buxhetit – parashikohen të ardhura të rritura prej një përqind

Data:

Shpërndaje:

Qeveria i dha dritë jeshile propozim rishikimit të buxhetit i cili parashikon të ardhura më të larta me rreth një përqind krahasuar me buxhetin fillestar. Sipas Ministrisë së Financave, rritja prej rreth 3.5 miliardë denarësh është kryesisht për shkak të rritjes së të ardhurave jo-tatimore dhe mjeteve të veta të institucioneve.

Ministrja e Financave Gordana Dimitrieska Koçoska tregoi se shpenzimet totale janë planifikuar në një nivel prej 403.7 miliardë denarësh. Ndryshimi parashikon mjete për pagesën e pagave, pensioneve, shpenzimeve kapitale, si dhe projekteve.

“Janë siguruar mjete shtesë për pagesën e pensioneve të rritura, kostot kalimtare dhe, më e rëndësishmja, sigurimin e 300 milionë denarëve shtesë për shpenzimet kapitale. Shpenzimet kapitale janë planifikuar të arrijnë në 47.5 miliardë denarë, dhe ndryshimet kanë për qëllim shtimin e mjeteve për të nxitur zbatimin e projekteve, siç është konfirmuar tashmë nga zbatimi i mirë, kryesisht në Ministrinë e Mbrojtjes”, tha Gordana Dimitrieska Koçoska – Ministre e Financave.

Koçoska beson se me rishikimin e buxhetit, do të arrijnë rritjen e parashikuar prej 3.7% që ishte parashikuar në buxhetin e vitit 2025. Ajo gjithashtu beson se inflacioni do të ulet dhe çmimet e produkteve bazë ushqimore do të stabilizohen.

“Inflacioni, i cili regjistroi një trend rritës në fillim të vitit, pritet të stabilizohet më tej dhe parashikohet në një nivel prej 2.8 përqind. Ne e bazojmë parashikimin e inflacionit në pritjet për zbatim të vazhdueshëm të rregulloreve ligjore, kryesisht ligjit për praktikat e padrejta tregtare që duhet të parandalojnë rritjen e padrejtë të çmimeve, veçanërisht për produktet bazë ushqimore”, u shpreh Gordana Dimitrieska Koçoska – Ministre e Financave.

Koçoska tregoi se borxhi publik deri në fund të vitit do të arrijë në rreth 62.1 përqind. /Alsat.mk

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Artikuj të ngjajshëm

Investimet në rrjetin elektrik, bazë për zhvillimin ekonomik dhe pjesë e çmimit të energjisë

Investimet në modernizimin e rrjetit elektrik janë të domosdoshme për furnizim më të sigurt me energji elektrike, uljen...

HELLENiQ ENERGY planifikon të investojë mbi një miliard euro në energji të rinovueshme në Rumani deri në vitin 2030

Kompania energjetike HELLENiQ ENERGY planifikon të investojë mbi një miliard euro në Rumani deri në vitin 2030, me...

TRIM & LUM merr çmimin „TOP Investitor “ në TOP 100 të Odës Ekonomike

Kompania TRIM & LUM është shpërblyer me çmimin „Top Investitor“ në kuadër të manifestimit TOP 100, të organizuar...

Mickoski: Alta Banka nuk do të përfundojë në falimentim, por do të vazhdojë të funksionojë me një pronar të ri

Kryeministri Hristijan Mickoski deklaroi se Alta Banka nuk do të përfundojë në falimentim, por do të vazhdojë të...