Shkup, 10 qershor, Zhurnal.mk – Ministria e Financave ka kryer transferimin e 131 milionë denarëve nga Buxheti qendror drejt Bankës për Zhvillim, mjete të destinuara për realizimin e projekteve në kompanitë vendore, transmeton Zhurnal.
Me këtë transfer, i kryer në fund të muajit të kaluar, shuma totale e plasuar në ekonominë vendore për realizimin e investimeve nga ana e kompanive arrin në 14,1 miliardë denarë ose 230 milionë euro.
“Kjo përfaqëson 92 për qind realizim të linjës kreditore të siguruar nga Qeveria përmes Bankës Hungareze për Eksport-Import, me qëllim mbështetjen e ekonomisë vendore. Mbështetja konsiston në plasmanin e mjeteve me kushte të favorshme për kompanitë, në drejtim të realizimit të investimeve private, me ç’rast ato do të sigurojnë zhvillimin e tyre dhe nxitjen e rritjes ekonomike. Mjetet plasohen te përdoruesit finalë përmes bankave komerciale, norma e interesit është 1,95 për qind në vit, afati i shlyerjes deri në 15 vjet dhe periudha e gëzimit deri në 3 vjet”, thuhet në njoftimin e Ministrisë së Financave.
Vlera e përgjithshme e buxhetit për mbështetjen e kompanive vendore të parashikuar në Buxhet është 250 milionë euro, ndërsa cikli investues vlerësohet në rreth 300 milionë euro. /Zhurnal.mk përcjell Zhurnal.mk .
