Beluli mbi shpalljen e masave të Planit operativ: Aplikimi mund të bëhet në 30 Qendrat e Punësimit të APRMV-së nga sot deri më datën 20 qershor

Data:

Shpërndaje:

 

Drejtori i Agjencisë së Punësimit, Selatin Beluli, sot mori pjesë në konferencën për shtyp për të promovuar Programin e Vetëpunësimit.

“Qëllimi i këtij programi është të inkurajojë sipërmarrjen dhe të mbështesë krijimin e bizneseve të reja që do të ofrojnë punësim të qëndrueshëm. Procesi i përzgjedhjes zhvillohet në disa faza dhe synon të mbështesë idetë dhe planet më të mira të biznesit. I ftoj të gjithë personat e interesuaar të papunë – kërkues aktivë të punës, të cilët kanë idenë e tyre të biznesit, të aplikojnë për pjesëmarrje në këtë program”- theksoi Beluli.
Aplikimi mund të bëhet në 30 Qendrat e Punësimit të APRMV-së dhe do të fillojë nga dita e sotme deri më datën 20.06.2025.

 

 

 

Masa 1.1 është e dedikuar për personat mbi 29 vjeç dhe siguron mbështetje financiare prej 430.500 denarë ose 7.000 euro për themelimin e biznesit të ri, dhe Masa 1.2 vlen për të rinjtë deri në 29 vjeç, të cilët kanë mundësi të marrin mbështetje deri në 615.000 denarë ose 10.000 euro për themelimin e biznesit të tyre.

 

 

 

Të dy masat përfshijnë gjithashtu trajnime për sipërmarrësi, përgatitje të planit të biznesit dhe mentorim për një periudhë 6-mujore për grupet qëllimore, duke përfshirë personat me aftësi të kufizuara, pjesëtarët e komunitetit rom dhe gratë nga zonat rurale.

“Këto masa nuk janë thjesht ndihma financiare, por janë investim i drejtpërdrejtë në potencialin e qytetarëve dhe në zhvillimin e ekonomisë lokale,” theksoi ministri Durmishi gjatë konferencës për media.

Përmes këtij angazhimi, Ministria e Ekonomisë dhe Punës konfirmon përkushtimin e saj për ndërtimin e një tregu gjithëpërfshirës të punës dhe fuqizimin e individit si aktor kyç në zhvillimin ekonomik të vendit.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Artikuj të ngjajshëm

Investimet në rrjetin elektrik, bazë për zhvillimin ekonomik dhe pjesë e çmimit të energjisë

Investimet në modernizimin e rrjetit elektrik janë të domosdoshme për furnizim më të sigurt me energji elektrike, uljen...

HELLENiQ ENERGY planifikon të investojë mbi një miliard euro në energji të rinovueshme në Rumani deri në vitin 2030

Kompania energjetike HELLENiQ ENERGY planifikon të investojë mbi një miliard euro në Rumani deri në vitin 2030, me...

TRIM & LUM merr çmimin „TOP Investitor “ në TOP 100 të Odës Ekonomike

Kompania TRIM & LUM është shpërblyer me çmimin „Top Investitor“ në kuadër të manifestimit TOP 100, të organizuar...

Bien ndjeshëm çmimet e naftës dhe benzinës në Maqedoni!

mimet e benzinave pas mesnate do të lirohen për 7 denarë për litër, përcjell TV21. Ndërkaq, sipas Komisionit...