Drejtori i Shoqatës Kombëtare të Agjencive të Udhëtimit të Serbisë, Aleksandar Seniçiq, deklaroi sot se kanë marrë garanci nga autoritetet greke se do të vendoset organizim i ri pune në pikën kufitare Evzoni, midis Maqedonisë së Veriut dhe Greqisë, për shkak të zbatimit të sistemit për regjistrimin e hyrjeve dhe daljeve nga zona Shengen (EEA) dhe turmave të mëdha që lindin si rezultat, transmeton Portalb.mk.
“Ne presim që të hapen dy ose edhe tre kolona për autobusë turistikë, gjë që do të parandalonte kryesisht pritje kaq të gjata”, tha ai për RTS.
Ai shtoi se priten turma të mëdha gjatë fundjavës për shkak të festës fetare dhe numrit të shtuar të pasagjerëve që shkojnë në vendpushimet greke.
“Kishim një problem që në fillim të fundjavës, sistemi operativ në pikat kufitare u prish disa herë për shkak të ndërprerjeve të energjisë elektrike, kështu që kishte turma shumë më të mëdha se sa pritej”, tha Seniçiq.
Sipas tij, një problem shtesë ishte organizimi i punës në vetë pikën kufitare.
