Forumi Ekonomik Mbarë Shqiptar mbështet Mendi Qyrën për Strugën: Figurë e Spikatur dhe me ndikim të gjerë

Data:

Shpërndaje:

Forumi Ekonomik Mbarë Shqiptarë (FEMSH) sot edhe publikisht e ka mbështetur afaristin Mendi Qyra, si kandidat i pavarur për Komunën e Strugës.

Nga FEMSH thonë se Mendi Qyra është afarist shqiptar me ndikim të gjerë në jetën institucionale dhe ekonomike të shqiptarëve në Maqedoni, ku mes tjerash theksojnë edhe udhëheqjen me Odën Ekonomike Veri-Perendimore, institucion të cilin e ka transformuar në aktor serioz në politik bërjen ekonomike të vendit.

“Forumi Ekonomik Mbarëshqiptar (FEMSH) shpreh mbështetjen e plotë për z. Mendi Qyra– një nga figurat më të spikatura të sipërmarrjes shqiptare dhe drejtues me ndikim të gjerë në jetën institucionale dhe ekonomike të shqiptarëve në Maqedoninë e Veriut.

Z. Qyra është njëri ndër themeluesit e Forumit dhe aktualisht mban detyrën e Nënkryetarit të FEMSH, duke mishëruar vlerat e përfaqësimit dhe bashkëpunimit mbarëshqiptare.

Me një përvojë të konsoliduar në biznes dhe atë institucional, ai ka ndërtuar një profil të qëndrueshëm drejtuesi, me ndikim në rrafshin ekonomik, qytetar dhe kombëtar.

Në fushën e sipërmarrjes, z. Qyra ka realizuar projekte të rëndësishme ndërtimi në Shkup, Ohër dhe Strugë, duke krijuar vende pune dhe standarde të reja në treg.

Së fundmi, investimi në hotelin luksoz “Embla” në Strugë – një strukturë moderne me 5 yje – dëshmon vizionin e tij për zhvillimin e turizmit elitar dhe përmirësimin e ofertës mikpritëse të qytetit.

Si Kryetar i Odës Ekonomike të Maqedonisë Veriperëndimore, ai ka transformuar këtë institucion në një aktor real në politikëbërjen ekonomike dhe në përfaqësimin dinjitoz të bizneseve shqiptare.

Kontributi i tij nuk kufizohet vetëm në ekonomi: z. Qyra është gjithashtu themelues i Klubit të Futbollit “FC Struga”, i kthyer sot në një shembull suksesi me shumë trofe, por edhe për organizimin sportiv dhe përfshirjen e të rinjve në jetën komunitare.

Kandidatura e tij për drejtimin e Strugës është shprehje e qartë e kërkesës së qytetarëve për një ndryshim thelbësor në mënyrën e qeverisjes – një model efikas, transparent dhe të orientuar drejt zhvillimit afatgjatë.

Si kandidat i pavarur, ai gëzon një mbështetje të gjerë qytetare dhe nga komuniteti i biznesit.

Është koha që edhe forcat politike të tregojnë përgjegjësi dhe të vendosin interesin qytetar përpara interesave të ngushta partiake.

Z. Mendi Qyra përfaqëson modelin e drejtuesit modern: me integritet, vizion strategjik dhe aftësi për të bashkuar njerëz, ide dhe energji për të mirën e përbashkët.

Besimi ynë në këtë figurë bazohet në vlerat që ai përfaqëson dhe në angazhimin e dëshmuar ndër vite.

Forumi Ekonomik Mbarëshqiptar e sheh këtë kandidaturë si një mundësi reale për zhvillimin e Strugës – një shembull i fuqishëm se si energjia qytetare dhe përvoja profesionale mund të bashkohen për të ndërtuar një të ardhme më të mirë për qytetin e Tij”, shkruan FEMSH./Ora24.tv

 

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Artikuj të ngjajshëm

Investimet në rrjetin elektrik, bazë për zhvillimin ekonomik dhe pjesë e çmimit të energjisë

Investimet në modernizimin e rrjetit elektrik janë të domosdoshme për furnizim më të sigurt me energji elektrike, uljen...

HELLENiQ ENERGY planifikon të investojë mbi një miliard euro në energji të rinovueshme në Rumani deri në vitin 2030

Kompania energjetike HELLENiQ ENERGY planifikon të investojë mbi një miliard euro në Rumani deri në vitin 2030, me...

TRIM & LUM merr çmimin „TOP Investitor “ në TOP 100 të Odës Ekonomike

Kompania TRIM & LUM është shpërblyer me çmimin „Top Investitor“ në kuadër të manifestimit TOP 100, të organizuar...

Mickoski: Alta Banka nuk do të përfundojë në falimentim, por do të vazhdojë të funksionojë me një pronar të ri

Kryeministri Hristijan Mickoski deklaroi se Alta Banka nuk do të përfundojë në falimentim, por do të vazhdojë të...