Që kur qershitë e para u shfaqën në Maqedoni, rrjetet sociale janë mbushur me komente rreth çmimit të tyre “astronomik”. Sa kushtojnë qershitë në Kroaci, Itali dhe Greqi?
Çmimi i qershive në Maqedoni ka shkaktuar një ortek reagimesh. Këtë vit çmimi është i lartë për shkak të ngricës së vonë të pranverës që shkatërroi korrjen e hershme të frutave. Ndërsa ne e trajtojmë këtë frut sezonal si një luks në vendin tonë, nuk është më i lirë as në Kroaci apo Itali.
Çmimi në Kroaci është rreth 9.50 euro për kilogram, dhe në Itali rreth 9.30 euro. Në Greqi, në tregje, qershitë kushtojnë nga 1.5 deri në 3 euro.
Uebsajti Greece info ka publikuar çmimet e ushqimeve në Greqi për vitin 2025, të cilat, sipas tyre, ndjekin trendin evropian dhe janë pak më të larta se vitet e kaluara.
“Shumë thonë se pavarësisht kësaj, Greqia është ende më e lirë se Maqedonia”, theksohet aty, duke vënë në dukje se çmimet e ushqimeve, produkteve dhe shërbimeve ndryshojnë nga një vend në tjetrin, nga një ishull në tjetrin.
Sidoqoftë, lista e çmimeve të përafërta që ata publikuan përpara sezonit të verës mund t’ju ndihmojë me planifikimin e buxhetit.
Çmimet e frutave dhe perimeve në Greqi:
- Domate (kg): 2.10 €
- Kastraveca (copë): 0,50 € – 1,60 €
- Lakër greke: 0.56 €
- Patate (kg): 1.00 € – 2.10 €
- Qepë (kg): 0,50 € – 1,30 €
- Qepë e kuqe (kg): 1,55 €
- Qepë e njomë: 0.80 €
- Karrota: 0.80 €
- Spec i gjelbër (kg): 3,80 €
- Kungull i njomë (kg): 0,80 € – 1,30 €
- Tufë majdanozi: 0.70 €
- Brokoli: 2.68 €
- Selino: 1,53 € – 1,92 €
- Spinaq (kg): 1,68 €
- Mollë (kg): 0,90 € – 2,20 €
- Pjeshkë (kg): 1,80 € – 2,50 €
- Kajsi (kg): 2,60 € – 3,00 €
- Qershi (kg): 1,50 € – 3,00 €
- Luleshtrydhe (paketë): 2 € – 5 €
- Shalqi (kg): 1.20 € – 2.00 €
- Limon (kg): 0,88 €
- Banane (kg): 1,85 €
- Ananas: 1.58 €
- Portokaj (kg): 0,70 € – 2,00 €
