Dizeli nga sonte në mesnatë do të jetë më i lirë për dy denarë për litër, ndërsa çmimi i benzinës do të ulet për gjysmë deri në një denarë për litër, vendosi sot Komisioni Rregullator për Energjetikë, Shërbime të Ujit dhe Shërbime për Menaxhimin e Mbeturinave Komunale (KRRE). Vendimi ul çmimet me pakicë të derivateve të naftës mesatarisht me 2.08 për qind.
Çmimet me pakicë të EURODIZELIT (D-E V) dhe vajit ekstra të lehtë për amvisëri (EL-1) janë ulur për dy denarë dhe do të kushtojnë 70 përkatësisht 69,5 denarë për litër. Çmimi me pakicë i benzinës EUROSUPER BS-98 zvogëlohet për një denar, ndërsa i EUROSUPER BS-95 për gjysmë denarë, kështu që do të shiten për 76,5 pra 74,5 denarë për litër.
Me vendim të KRRE-së, edhe çmimi me pakicë i mazutit M-1 NS ulet për 1,240 denarë për kilogram dhe do të arrijë në 42,261 denarë.
Nga KRRE theksojnë se çmimet referente të derivateve të naftës në tregun botëror, krahasuar me llogaritjen e mëparshme, kanë rënë mesatarisht për 51,432 për qind për benzinën, 4,044 për qind për dizelin, 3,960 për qind për vajin ekstra të lehtë dhe 2,791 për qind për mazutin. Kursi i denarit kundrejt dollarit me të cilin janë formuar çmimet me llogaritjen e mëparshme është më i ulët për 0,5995 për qind.
