Stabiliteti i denarit nuk duhet dhe nuk guxon të vihet në pikëpyetje. Kjo është një çështje e mbyllur më par, theksoi guvernatori i Bankës Popullore Trajko Sllaveski në intervistë për MIA-n, duke potencuar se kursi devizor fiks edhe më tej do të jetë bazë e fuqishme e stabilitetit makroekonomik në vend, njofton Portalb.mk.
Guvernatori potencoi se regjimi i kursit devizor të cilin vendi e praktikon vendi është i mbështetur nga të githë qeveritë e deritanishme, komuniteti i biznesit, opinioni i ekspertëve dhe institucionet ndërkombëtare.
“Jo vetëm që nuk ka dilema, por edhe nuk dëgjojmë më thirrje ose njoftime për ndryshim të kursit, që paraprakisht dinin të paraqiten. Kursi dervizor fiks mirë i shërben ekonomisë së Maqedonisë. Jemi të vetëdijshëm se çfarëdo lloj intervenimi në paritetin e valutës kombëtar në krahasim me euron do të shkaktonte dëm të jashtëzakonshëm, pa pothuajse kurrfarë dobie, duke pasur parasysh shkallën e lartë të transparencës së ekonomisë së Maqedonisë”, tha Sllaveski.
Ai u bëri thirrje qytetarëve dhe bizneseve të jenë të qetë, duke i bindur se kursimet dhe planet e tyre janë të sigurta në sistem stabil dhe të parashikueshëm financiar. “Banka Popullore do të sigurojë kurs stabil dhe mjedis stabil financiar për sektorin real. Punojmë në koordinim të ngushtë me Ministrinë e Financave dhe me të gjithë institucionet relevante”, tha ai,
Guvernatori potencoi se stabilteti financiar dhe siguria e kursimeve janë të mështetura edhe nga sistemi i fuqishëm bankar dhe kapacitetet supervizore të bankës Popullore.
Nënvizoi se Banka Popullore ka kredibilitet të lartë edhe tek institucionet financiare ndërkombëtare dhe se ky bashkëpunim do të vazhdojë edhe më tej, me vizion që të ruhet pavarësia, të përforcohen kapacitetet institucionale dhe të sigurohet stabilitet afatgjatë.
Sllaveski e ka potencuar vizionin për përforcim të pavarësisë institucionale dhe investim në kapacitetin njerëzor si bazë kyçe për stabilitet dhe zhvillim afatgjatë.
Kuvendi më 28 maj me 68 vota “pro” dhe 16 “kundër” emëroi Trajko Sllaveskin për guvernator të Bankës Popullore.
Në garën për guvernator në Bankën Popullore të Maqedonisë së Veriut ishin edhe katër emra tjerë: Zoran Stravrevski, Anita Angellovska – Bezhovska, Maja Kadievska – Bojnoviq dhe Borçe Trenovski.
