Rënia e Kosovës, ngritja e Shqipërisë – ja si renditen pasaportat e Ballkanit në Indeksin Henley 2025

Data:

Shpërndaje:

Në përditësimin më të fundit të Indeksit të Pasaportave Henley, që mat fuqinë e pasaportave globale bazuar në lirinë e udhëtimit pa vizë, vendet e Ballkanit Perëndimor kanë shënuar lëvizje të ndryshme në renditje, me disa përmirësime dhe disa rënie të ndjeshme.

Pasaporta e Kosovës ka rënë me katër pozita, duke kaluar nga vendi i 61-të në të 65-in, dhe me këtë, qytetarët e Kosovës tani mund të udhëtojnë pa vizë në 81 shtete, një më pak se në tremujorin paraprak, përcjell INA.

Në kontrast, pasaporta e Shqipërisë ka shënuar rritje prej dy pozicionesh, duke u renditur në vendin e 47-të me 122 destinacione pa viza – duke përmirësuar ndjeshëm pozicionin në raport me rajonin.

Edhe vendet e tjera të Ballkanit kanë pozicionime më të favorshme në krahasim me Kosovën:

Serbia – e renditur në vendin e 36-të, me akses të gjerë ndërkombëtar pa vizë;

Maqedonia e Veriut – në vendin e 42-të;

Mali i Zi – në pozitën e 43-të;

Bosnja dhe Hercegovina – e barabartë me Shqipërinë, në vendin e 47-të.

Këto të dhëna tregojnë se, përkundër liberalizimit të vonshëm të vizave për qytetarët e Kosovës, pasaporta kosovare mbetet më pak e fuqishmja në rajon, një tregues i qartë i sfidave që ende e ndjekin Kosovën në arenën ndërkombëtare.

Ndërkohë, në nivel global, Singapori kryeson listën me akses pa viza në 193 destinacione, ndjekur nga Koreja e Jugut (190) dhe Japonia (189). Në një zhvillim të papritur, pasaporta amerikane është për herë të parë jashtë Top-10, duke u renditur në vendin e 12-të, krahas Malajzisë, me hyrje pa vizë në 180 vende.

Indeksi i Pasaportave Henley publikohet çdo tremujor nga Henley & Partners, një firmë konsulence globale me seli në Londër, që përdor të dhëna ekskluzive nga Shoqata Ndërkombëtare e Transportit Ajror (IATA). (INA)

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Artikuj të ngjajshëm

Investimet në rrjetin elektrik, bazë për zhvillimin ekonomik dhe pjesë e çmimit të energjisë

Investimet në modernizimin e rrjetit elektrik janë të domosdoshme për furnizim më të sigurt me energji elektrike, uljen...

HELLENiQ ENERGY planifikon të investojë mbi një miliard euro në energji të rinovueshme në Rumani deri në vitin 2030

Kompania energjetike HELLENiQ ENERGY planifikon të investojë mbi një miliard euro në Rumani deri në vitin 2030, me...

TRIM & LUM merr çmimin „TOP Investitor “ në TOP 100 të Odës Ekonomike

Kompania TRIM & LUM është shpërblyer me çmimin „Top Investitor“ në kuadër të manifestimit TOP 100, të organizuar...

Mickoski: Alta Banka nuk do të përfundojë në falimentim, por do të vazhdojë të funksionojë me një pronar të ri

Kryeministri Hristijan Mickoski deklaroi se Alta Banka nuk do të përfundojë në falimentim, por do të vazhdojë të...