Lideri i Alternativës, Dr.Zeqirija Ibrahimi, në podcastin Fol në TV Festa, ka folur për punësimet të cilat priten të realizohen tash para zgjedhjeve lokale.
Sipas Ibrahimit, tash para zgjedhjeve lokale pritet të punësohen diku rreth 2500 të rinj dhe të reja shqiptare.
“Ne kemi shumë interes që ta ndryshojmë gjendjen ekonomike të njerëzve. Një vendim i përgjithshëm është që përpara se të shpallen zgjedhjet lokale të punësohet një kontingjent i madh i të rinjve tanë. Diku ndoshta do të janë deri në 10.000! Prej të cilëve shqiptarët do t`i kanë 25% d.m.th. i bie diku 2500 që do të janë vetëm të shqiptarëve. Tash kjo punë nuk është e lidhur dhe nuk mund të japim ne afate të sakta se do të bëhet këtë muaj ose atë muaj, por sigurisht që përpara se të shpallen zgjedhjet lokale kjo punë do kryhet. Dhe unë mendoj që kjo do të jetë një injeksion i mirë për plotë të rinj të cilët dëshirojnë të punësohen dhe ta vazhdojnë jetën e tyre në këtë vend dhe të mos i braktisin këto troje. ”, deklaroi midis tjerash Ibrahimi.
