Paga mesatare mujore neto e paguar për punonjës në shkurt të këtij viti ka qenë 43.053 denarë, njoftoi Enti Shtetëror i Statistikës (ESHS).
Në shkurt të këtij viti, në krahasim me shkurtin e vitit të kalur, paga mesatare mujore neto e paguar për punonjës është më e lartë për 9,6 për qind.
ESHS sqaron se rritja ka të bëjë, para së gjithash, në rritjen e pagës mesatare mujore neto të paguar për punonjës në sektorët: Veprimtari lidhur me pasurinë e paluajtshme për 16,6 për qind, Industri përpunuese për 11,5 për qind dhe për arsim për 11,4 për qind.
Rritje e pagës mesatare mujore neto të paguar për punonjës, krahasuar me muajin paraardhës, është shënuar në sektorët: Informacione dhe komunikime për 4 për qind, Veprimtari lidhur me pasurinë e paluajtshme për 3,9 për qind dhe Industrinë përpunuese për 2,5 për qind.
Në shkurt të këtij viti, paga mesatare mujore e paguar bruto është 64 634 denarë.
