OEMVP mirëpret Kryetarin e Odës Ekonomike Brazilo-Maqedonase: Hapet perspektiva për bashkëpunim Maqedoni e Veriut-Brazil

Data:

Shpërndaje:

Oda Ekonomike e Maqedonisë Veri-Perëndimore në vazhdën e angazhimeve të saja për zhvillimin e bashkëpunimit ndërkombëtar dhe promovimin e potencialeve ekonomike të vendit, zhvilloi takim  me z. Luis Fernando del Valle – Kryetar i Odës Ekonomike Brazilo-Maqedonase (BRA-MAK) dhe kandidat për Konsull nderi i Republikës së Maqedonisë së Veriut në Sao Paulo, Brazil.

Delegacioni i OEMVP-së, i përbërë nga Kryetari z. Qyra, Drejtori ekzekutiv z. Zeqiri, Nënkryetari z. Asani dhe anëtarët e Këshillit Drejtues, z. Mustafa dhe znj. Aliu, mirëpriti z. del Valle në ambientet e Odës, ku u zhvilluan diskutime substanciale mbi mundësitë e bashkëpunimit ekonomik ndërmjet Maqedonisë së Veriut dhe Brazilit

Të dyja palët ndanë qëndrimin se ekziston një potencial i madh i pashfrytëzuar në krijimin e partneriteteve në fusha me interes të përbashkët, duke përfshirë edhe arsimin, inovacionin dhe eksportin e produkteve me vlerë të shtuar.

Në takim u theksua rëndësia strategjike e forcimit të lidhjeve ekonomike përmes krijimit të urave të reja të komunikimit ndërmjet sektorëve privatë të të dy vendeve. Gjithashtu, pikë e diskutimit ishte edhe potenciali i madh që ofron rajoni për zhvillimin e turizmit, si një ndër sektorët me ndikim të shumëfishtë ekonomik veçanërisht në funksion të krijimit të itinerareve rajonale që do të mund të promovonin Maqedoninë e Veriut si një destinacion tërheqës për turistët nga Brazili.

OEMVP dhe BRA-MAK shprehën gatishmëri për të ndërtuar ura të qëndrueshme bashkëpunimi dhe për të avancuar dialogun ekonomik ndërkombëtar në interes të zhvillimit të ndërsjellë.

 

 

 

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Artikuj të ngjajshëm

Investimet në rrjetin elektrik, bazë për zhvillimin ekonomik dhe pjesë e çmimit të energjisë

Investimet në modernizimin e rrjetit elektrik janë të domosdoshme për furnizim më të sigurt me energji elektrike, uljen...

HELLENiQ ENERGY planifikon të investojë mbi një miliard euro në energji të rinovueshme në Rumani deri në vitin 2030

Kompania energjetike HELLENiQ ENERGY planifikon të investojë mbi një miliard euro në Rumani deri në vitin 2030, me...

TRIM & LUM merr çmimin „TOP Investitor “ në TOP 100 të Odës Ekonomike

Kompania TRIM & LUM është shpërblyer me çmimin „Top Investitor“ në kuadër të manifestimit TOP 100, të organizuar...

Mickoski: Alta Banka nuk do të përfundojë në falimentim, por do të vazhdojë të funksionojë me një pronar të ri

Kryeministri Hristijan Mickoski deklaroi se Alta Banka nuk do të përfundojë në falimentim, por do të vazhdojë të...