Oda Ekonomike Amerikane dhe ATK-ja diskutojnë për planet dhe iniciativat e administratës tatimore

Data:

Shpërndaje:

Oda Ekonomike Amerikane në Kosovë ka zhvilluar një diskutim të rëndësishëm me ushtruesin e detyrës së drejtorit të përgjithshëm të ATK-së, Ilir Murtezaj, për planet dhe iniciativat e administratës tatimore.

Diskutimi përfshiu ndryshimet ligjore që ndikojnë në procedurat tatimore, sfidat e rimbursimeve tatimore dhe vonesat që lidhen me interpretimin e ligjit.

Murtezaj ka theksuar rëndësinë e dallimit midis tatimpaguesve që nuk respektojnë ligjin dhe atyre që kanë vështirësi në interpretimin e tij.

Ai gjithashtu ka theksuar suksesin e ATK-së në arritjen e një shkalle të lartë të përmbushjes tatimore dhe angazhimin e administratës për të përmirësuar sistemin tatimor, rritur transparencën dhe besueshmërinë.

Temat e tjera të diskutimit përfshinë nevojën për seminare dhe trajnime për bizneset mbi procedurat e ankesave dhe rishikimin e inspektimeve tatimore për një qasje më të drejtë dhe transparente, rëndësi iu dha edhe shqyrtimit të ankesave nga Bordi për Ankesa pranë Ministrisë së Financave, ku u udhëzuan bizneset që, duke marrë parasysh mungesës së kapacitetit të punës, e cila pamundëson zgjidhjen e të gjitha ankesave brenda afatit kohor, për të njëjtat çështje të iniciohet padia në Gjykatë. Digjitalizimi i shërbimeve tatimore ishte gjithashtu një çështje kyçe në përpjekjet për të rritur efikasitetin dhe ulur keqinterpretimet.

“Si AmCham, ne mbetemi të angazhuar për të kontribuar në krijimin e një mjedisi të favorshëm për bizneset në Kosovë. Puna jonë vazhdon të fokusohet në rritjen e bashkëpunimit mes institucioneve shtetërore dhe sektorit privat, duke përmirësuar procedurat dhe duke ndihmuar në rritjen e transparencës dhe besueshmërisë në administratën tatimore”, ka njoftuar Oda Ekonomike Amerikane në Kosovë.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Artikuj të ngjajshëm

Investimet në rrjetin elektrik, bazë për zhvillimin ekonomik dhe pjesë e çmimit të energjisë

Investimet në modernizimin e rrjetit elektrik janë të domosdoshme për furnizim më të sigurt me energji elektrike, uljen...

HELLENiQ ENERGY planifikon të investojë mbi një miliard euro në energji të rinovueshme në Rumani deri në vitin 2030

Kompania energjetike HELLENiQ ENERGY planifikon të investojë mbi një miliard euro në Rumani deri në vitin 2030, me...

TRIM & LUM merr çmimin „TOP Investitor “ në TOP 100 të Odës Ekonomike

Kompania TRIM & LUM është shpërblyer me çmimin „Top Investitor“ në kuadër të manifestimit TOP 100, të organizuar...

Bien ndjeshëm çmimet e naftës dhe benzinës në Maqedoni!

mimet e benzinave pas mesnate do të lirohen për 7 denarë për litër, përcjell TV21. Ndërkaq, sipas Komisionit...