Në Bursën e Energjisë u tregtua energji me vlerën 310 milionë euro

Data:

Shpërndaje:

Bursa Shqiptare e Energjisë (ALPEX) raportoi se në vitin 2024 faturimi i energjisë në shitje dhe blerje kapi vlerën e 310 milionë eurove.

Raporti vjetor për vitin e shkuar vlerësoi se në tregun e ditës në avancë u tregtua një volum total prej 1.17 milionë MWh ku çmimi klerues mesatar ishte 112.01 €/MWh.

Sa i takon rrjedhjes së energjisë të dhënat tregojnë se nga Shqipëria drejt Kosovës ishin 27.8 mijë MWh kurse nga Kosova drejt Shqipërisë: 241 mijë MWh.

Oferta në blerje ishte 1.53 milionë MWh kurse në shitje 1.86 milionë MWh.

Të dhënat e raportuara tregtojnë gjithashtu se rekordi i tregtimit për një Njësi Kohore të Tregut (MTU) ishte 497.87 MWh më 19 maj 2024. Rekordi ditor i tregtimit ishte 7,816 MWh në 23 maj 2024.

Rekordi mujor i tregtimit ishte 133.906 MWh në muajin maj. Ndërkohë rekordi për rrjedhën e energjisë u regjistrua në qershor me 41,859 MWh nga Kosova drejt Shqipërisë.

Në Vitin 2024, ALPEX u rrit me 17 Anëtarë të rinj të Bursës në Tregun e Ditës në Avancë dhe 2 Anëtarë të rinj të Përgjithshëm Klerimi. Totali i anëtarëve ishte: 36 anëtarë burse, dhe 4 Anëtarë të Përgjithshëm Klerimi.

Bursa Shqiptare e Energjisë nisi operimin e saj në 12 prill 2023 fillimisht vetëm për Shqipërinë dhe më pas në 2024-ën edhe me Kosovën. Aktorë të tregut por edhe Sekretariati i Energjisë kërkonin prej vitesh ngritjen e një platforme të tillë si një mekanizëm për rritjen e transparencës në treg por edhe rritjen e sigurisë energjetike.

Kjo u bë edhe më evidente gjatë vitit 2022 kur kriza e energjisë arriti kulmin e saj dhe kërcënimi real për vendet u bë sigurimi i energjisë dhe çmimet arritën nivele rekord./MONITOR

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Artikuj të ngjajshëm

Investimet në rrjetin elektrik, bazë për zhvillimin ekonomik dhe pjesë e çmimit të energjisë

Investimet në modernizimin e rrjetit elektrik janë të domosdoshme për furnizim më të sigurt me energji elektrike, uljen...

HELLENiQ ENERGY planifikon të investojë mbi një miliard euro në energji të rinovueshme në Rumani deri në vitin 2030

Kompania energjetike HELLENiQ ENERGY planifikon të investojë mbi një miliard euro në Rumani deri në vitin 2030, me...

TRIM & LUM merr çmimin „TOP Investitor “ në TOP 100 të Odës Ekonomike

Kompania TRIM & LUM është shpërblyer me çmimin „Top Investitor“ në kuadër të manifestimit TOP 100, të organizuar...

Bien ndjeshëm çmimet e naftës dhe benzinës në Maqedoni!

mimet e benzinave pas mesnate do të lirohen për 7 denarë për litër, përcjell TV21. Ndërkaq, sipas Komisionit...