Ndalohet importi i mishit të pulës nga Brazili dhe mishit të kafshëve të vogla nga Shqipëria

Data:

Shpërndaje:

Maqedonia ndaloi importin e mishit të pulës nga Brazili për shkak të gripit të shpendëve dhe mishit nga kafshët e vogla ripërtypëse nga Shqipëria, njoftoi drejtori i Agjencisë së Ushqimit dhe Veterinarisë (AUV), Oliver Milanov. Sipas tij, që nga viti i kaluar janë shkatërruar pothuajse 300 ton ushqim i pasigurt, ndërsa që nga fillimi i vitit janë shkatërruar 56 ton ushqim me origjinë shtazore dhe jo-shtazore. Ai thotë se sipas këtyre të dhënave, qytetarët në Maqedoni në përgjithësi konsumojnë ushqim të sigurt.

“Askund në botë nuk mund të garantojmë se hamë ushqim të sigurt, askush nuk mund ta garantojë këtë, por si drejtor i agjencisë mund të them se qytetarët hanë ushqim të sigurt. Tani, me rritjen e temperaturave, fluksi i turistëve drejt destinacioneve turistike është rritur. Përveç kontrolleve të rregullta që kryejmë në terren, kryejmë edhe kontrolle të jashtëzakonshme inspektuese, natyrisht theksi do të vihet edhe në destinacionet turistike këtë vit”, tha Oliver Millanov – Drejtor i AUV-së.

Millanov theksoi se janë shqiptuar 1,325 masa kundër personave që trajtonin ushqime të pasigurta, nga të cilat 260 ishin gjoba, ndërsa janë ngritur edhe kallëzime penale. Inspektorët kanë konstatuar edhe ujë mineral të importuar të pasigurt për shkak të kontaminimit bakteriologjik, si dhe mbetje të konfirmuara të pesticideve në perime.

Por, i pyetëm edhe qytetarët nëse mendojnë se ushqimi që hamë në këtë vend është i sigurt..
“Diku ka ushqim të shëndetshëm, por pjesa më e madhe e tij është 80% e pashëndetshme”, tha një qytetar.

“Kthehet përsëri, përpunohet, shndërrohet në sallamë, në produkte të tilla, kështu që i hamë, nuk shkatërrohen”, u shpreh një tjetër qytetar.

“Nuk është i shëndetshëm, nuk hamë fare ushqim të shëndetshëm”, theksoi një qytetar.

“E njëjta gjë kthehet, kudo që të shkosh, ka ushqim të prishur”, u shpreh një qytetar.

Autoritetet u bënë thirrje të gjithë qytetarëve që hasin ushqim të pasigurt që ta denoncojnë menjëherë në Agjencinë e Ushqimit dhe Veterinarisë. /Alsat.mk

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Artikuj të ngjajshëm

Investimet në rrjetin elektrik, bazë për zhvillimin ekonomik dhe pjesë e çmimit të energjisë

Investimet në modernizimin e rrjetit elektrik janë të domosdoshme për furnizim më të sigurt me energji elektrike, uljen...

HELLENiQ ENERGY planifikon të investojë mbi një miliard euro në energji të rinovueshme në Rumani deri në vitin 2030

Kompania energjetike HELLENiQ ENERGY planifikon të investojë mbi një miliard euro në Rumani deri në vitin 2030, me...

TRIM & LUM merr çmimin „TOP Investitor “ në TOP 100 të Odës Ekonomike

Kompania TRIM & LUM është shpërblyer me çmimin „Top Investitor“ në kuadër të manifestimit TOP 100, të organizuar...

Bien ndjeshëm çmimet e naftës dhe benzinës në Maqedoni!

mimet e benzinave pas mesnate do të lirohen për 7 denarë për litër, përcjell TV21. Ndërkaq, sipas Komisionit...