Mickoski: Qendra për Resurse do të forcojë komunat dhe zbatimin e Strategjisë Nacionale Zhvillimore

Data:

Shpërndaje:

Kryeministri i Maqedonisë së Veriut, Hristijan Mickoski, në fjalimin e tij me rastin e themelimit të Qendrës për Resurse, theksoi se kjo nismë përbën një hap strategjik drejt forcimit të zbatimit të Strategjisë Nacionale Zhvillimore, të realizuar në partneritet me UNDP-në dhe me mbështetjen e Qeverisë.

 

Sipas Mickoskit, Qendra për Resurse nuk është vetëm një strukturë e re institucionale, por një dëshmi e qartë e angazhimit të shtetit për qeverisje moderne, transparente dhe efikase. Ai theksoi se projekti synon të adresojë sfidat sistemike përmes menaxhimit të përmirësuar, ngritjes së kapaciteteve institucionale dhe zhvillimit të një infrastrukture të qëndrueshme.

“Këto nuk janë reforma teknike, ky është vizioni i një shteti modern dhe i orientuar drejt rezultateve,” deklaroi ai.

Kryeministri nënvizoi se qeverisja e mirë nënkupton integritet, koordinim dhe llogaridhënie në të gjitha nivelet, ndërsa theksoi rëndësinë e decentralizimit si një nga shtyllat kryesore të funksionimit të shtetit.

Ai pranoi se, pavarësisht dy dekadave të përpjekjeve, rezultatet në nivel lokal akoma nuk janë në nivelin që qytetarët presin, veçmas në ofrimin e shërbimeve publike, menaxhimin me resurset dhe zhvillimin ekonomik lokal.

Sipas tij, Qendra për Resurse do t’u ofrojë komunave mbështetje strategjike, ekspertizë dhe instrumente për të përmirësuar zbatimin e decentralizimit dhe zhvillimin rajonal të balancuar.

“Fuqizimi i komunave nuk është shpenzim – është investim në jetë më të mirë dhe në stabilitet të komuniteteve,” tha Mickoski, duke u bërë thirrje të gjithë kryetarëve të komunave që ta shfrytëzojnë mbështetjen që ofron qendra.

Në fund, ai shprehu falënderime për Ministrinë e Vetëqeverisjes Lokale, ministrin Perinski, si dhe partnerët ndërkombëtarë, përfshirë Ambasadën Zvicerane dhe UNDP-në.

“Së bashku ndërtojmë institucione më të fuqishme, komuna më të forta dhe një Maqedoni më të fuqishme,” përfundoi Mickoski.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Artikuj të ngjajshëm

Investimet në rrjetin elektrik, bazë për zhvillimin ekonomik dhe pjesë e çmimit të energjisë

Investimet në modernizimin e rrjetit elektrik janë të domosdoshme për furnizim më të sigurt me energji elektrike, uljen...

HELLENiQ ENERGY planifikon të investojë mbi një miliard euro në energji të rinovueshme në Rumani deri në vitin 2030

Kompania energjetike HELLENiQ ENERGY planifikon të investojë mbi një miliard euro në Rumani deri në vitin 2030, me...

TRIM & LUM merr çmimin „TOP Investitor “ në TOP 100 të Odës Ekonomike

Kompania TRIM & LUM është shpërblyer me çmimin „Top Investitor“ në kuadër të manifestimit TOP 100, të organizuar...

Mickoski: Alta Banka nuk do të përfundojë në falimentim, por do të vazhdojë të funksionojë me një pronar të ri

Kryeministri Hristijan Mickoski deklaroi se Alta Banka nuk do të përfundojë në falimentim, por do të vazhdojë të...