Kroatët bojkot marketeve, furrave dhe pompave të benzinës, për shkak të shtrenjtimeve

Data:

Shpërndaje:

Në Kroaci ka nisur bojkoti i dyqaneve, rrjeteve të shitjes me pakicë dhe pikave të karburantit për shkak të rritjes së vazhdueshme të çmimeve.

Iniciativa është nisur dhe është përkrahur përmes rrjeteve sociale, mbështetur nga Qendra Evropiane e Konsumatorit, por ndërkohë ajo mbështetet edhenga kompanitë e mbrojtjes së konsumatorëve, sindikatat, partitë politike, madje edhe vetë ministri i ekonomisë.

Kjo nismë nisi me mesazhet që u shpërndanë në rrjetet sociale ditët e fundit. “Më 24 janar, ka një bojkot në Kroaci kundër çmimeve të larta të ushqimeve.”

Njerëzve u kërkohet të mos blejnë asgjë atë ditë, absolutisht asgjë. “Përgatituni për atë ditë sikur të ishte e diel”, thuhet në mesazhe.

Të dhënat tregojnë se çmimet e konsumit në Kroaci u rritën me 4.5 për qind në dhjetor 2024 krahasuar me të njëjtin muaj të një viti më parë, që është rritja më e lartë që nga maji. Kroacia është ndër tre vendet e BE-së me inflacionin më të lartë, pas Rumanisë (5.5 përqind) dhe Hungarisë (4.8 përqind).

Ministri i Ekonomisë, Ante Šušnjar, e përkrahu iniciativën dhe theksoi se Qeveria po punon për zgjerimin e listës së produkteve me çmime të kufizuara. Ndërkohë bojkotin e mbështetën edhe partitë opozitare, të cilat kritikuan qeverinë se nuk po bën asgjë për të kontrolluar inflacionin.(INA)

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Artikuj të ngjajshëm

Investimet në rrjetin elektrik, bazë për zhvillimin ekonomik dhe pjesë e çmimit të energjisë

Investimet në modernizimin e rrjetit elektrik janë të domosdoshme për furnizim më të sigurt me energji elektrike, uljen...

HELLENiQ ENERGY planifikon të investojë mbi një miliard euro në energji të rinovueshme në Rumani deri në vitin 2030

Kompania energjetike HELLENiQ ENERGY planifikon të investojë mbi një miliard euro në Rumani deri në vitin 2030, me...

TRIM & LUM merr çmimin „TOP Investitor “ në TOP 100 të Odës Ekonomike

Kompania TRIM & LUM është shpërblyer me çmimin „Top Investitor“ në kuadër të manifestimit TOP 100, të organizuar...

Bien ndjeshëm çmimet e naftës dhe benzinës në Maqedoni!

mimet e benzinave pas mesnate do të lirohen për 7 denarë për litër, përcjell TV21. Ndërkaq, sipas Komisionit...