“Karta e artë” në vlerë 5 milionë euro për pasanikët e huaj, Trump shpall skemën e re të vizave

Data:

Shpërndaje:

Presidenti i SHBA-së, Donald Trump, ka njoftuar se Shtetet e Bashkuara do të fillojnë të shesin “bileta të arta” me vlerë pesë milionë dollarë për të huajt që duan të shpërngulen në SHBA dhe të hapin vende pune.

Trump tha se Shtetet e Bashkuara së shpejti do të fillojnë të shesin dokumente të qëndrimit të përhershëm për “pothuajse pesë milionë dollarë”. Ky dokument do të quhet “Kartat e Artë të Trumpit”, i modeluar sipas “kartonit jeshil” të kahershëm dhe të lirë, raporton Al Jazeera.

“Njerëz të pasur do të vijnë në këtë vend duke blerë këtë biletë. “Ata do të jenë të pasur, do të jenë të suksesshëm, do të shpenzojnë shumë para, do të paguajnë shumë taksa dhe do të punësojnë shumë njerëz”, u tha presidenti amerikan gazetarëve në Shtëpinë e Bardhë.

“Është disi si një kartë jeshile” për qëndrim të përhershëm në Shtetet e Bashkuara, “por në një nivel më të lartë të sofistikimit”, tha Trump, duke shtuar se “karta e artë” do t’u jepte mbajtësve të saj akses “drejt shtetësisë” në planin afatgjatë.

Oligarkët rusë, shumica e të cilëve janë nën sanksionet e SHBA-së pas pushtimit rus të Ukrainës, potencialisht do të jenë në gjendje të aplikojnë për programin.

Programi i ri funksional në dy javë

“Unë njoh disa oligarkë rusë që janë njerëz shumë të mirë”, tha Trump. “Është e mundur” që ata të kenë të drejtë për programin, shtoi ai.

Trump tha se programi i ri i imigracionit mund të fillojë të funksionojë për rreth dy javë.

“Golden Cards” do të zëvendësojë programin e emigracionit “EB-5”, i cili lejonte investitorët e huaj me shuma të mëdha parash të krijonin vende pune në SHBA dhe të fitonin qëndrim të përhershëm në vend.

Sekretari amerikan i Tregtisë, Howard Lutnick tha se programi ekzistues ishte i prirur për mashtrim dhe ishte “një mënyrë për të marrë karton jeshil me një kosto të ulët”.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Artikuj të ngjajshëm

Investimet në rrjetin elektrik, bazë për zhvillimin ekonomik dhe pjesë e çmimit të energjisë

Investimet në modernizimin e rrjetit elektrik janë të domosdoshme për furnizim më të sigurt me energji elektrike, uljen...

HELLENiQ ENERGY planifikon të investojë mbi një miliard euro në energji të rinovueshme në Rumani deri në vitin 2030

Kompania energjetike HELLENiQ ENERGY planifikon të investojë mbi një miliard euro në Rumani deri në vitin 2030, me...

TRIM & LUM merr çmimin „TOP Investitor “ në TOP 100 të Odës Ekonomike

Kompania TRIM & LUM është shpërblyer me çmimin „Top Investitor“ në kuadër të manifestimit TOP 100, të organizuar...

Mickoski: Alta Banka nuk do të përfundojë në falimentim, por do të vazhdojë të funksionojë me një pronar të ri

Kryeministri Hristijan Mickoski deklaroi se Alta Banka nuk do të përfundojë në falimentim, por do të vazhdojë të...