Inflacioni ra në 1.9% në janar, por ushqimet vijojnë të mbesin të shtrenjta në Shqipëri

Data:

Shpërndaje:

Çmimet po rritet më ngadalë këtë fillim-vit. Inflacioni, treguesi i zhvlerësimit të parasë në raport me shtrenjtimin e çmimeve ra në 1.9 për qind muajin e shkuar nga 2.1 për qind fund-vitin e shkuar. Në raport me janarin e vitit 2024, muajin e shkuar inflacioni rezultoi i përgjysmuar, duke shënuar kështu nivelet më të ulëta ndonjëherë.

“U bë tashmë një vit që ne kemi hyrë në një cikël të qëndrueshëm të çmimeve. Në radhë të parë, ndikimi kryesor ka ardhur nga qetësimi i tregjeve globale, ndjekur nga politikat monetare. Politikat e Bankës së Shqipërisë, politika monetare që ka ndjekur për rritjen e normës bazë të interesit, shoqëruar nga qetësimi i tregjeve ku ne importojmë kanë sjellë një lloj zbutjeje të normës së inflacionit duke e çuar në këto nivele”, tha eksperti i ekonomisë, Adrian Civici.

Të dhënat nga Instituti i Statistikave tregojnë se muajin e shkuar, gjithashtu ushqimet dhe pijet u shtrenjtuan me ritme më të ngadalta. Inflacioni te kjo kategori produktesh ra në 2.6 për qind nga 5.3 për qind janarin e një viti më parë. Ndërkohë në tregje, ritmet e shtrenjtimit po rezultojnë ndjeshëm më të larta se ato që INSTAT raporton.

“Po janë 20-30 apo edhe 50 lekë më shtrenjtë. Zarzavatet një herë janë shtrenjtuar shumë. Q1% nga domatet, specat. Edhe bulmeti duket se po rritet.”

Po pse nuk ka ende një stabilizim të çmimeve edhe në tregje?

“Në gjykimin tim, te ushqimet dhe pijet inflacioni ka mbetur në nivele të larta si pasojë e mbajtjes së çmimeve në nivele të larta nga tregtarët duke zgjeruar marzhet e tyre të fitimit.”

Me gjithë ecurinë e mirë në dy vitet e fundit, vala e krizës së çmimeve në Shqipëri mund të rikthehet. Paralajmërimi për një jetesë edhe më të vështirë që vjen nga Komisioni Evropian në raportin e fundit për ekonominë e vendit.

“Të njëjtët faktorë, si qetësimi i tregjeve globale mund të shkaktojnë të kundërtën e kësaj ecurie në rast se do të kemi një ri-zgjim të vatrave të konfliktit. tregjet do të çoroditeshin e rrjedhimisht do të kishim çmime më të larta.”

Ndërkohë me gjithë flukset e shtuara te turistët, inflacioni te baret dhe restorantet mbeti në nivelet më të ulëta historike, në mesatarisht 1.8 për qind.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Artikuj të ngjajshëm

Investimet në rrjetin elektrik, bazë për zhvillimin ekonomik dhe pjesë e çmimit të energjisë

Investimet në modernizimin e rrjetit elektrik janë të domosdoshme për furnizim më të sigurt me energji elektrike, uljen...

HELLENiQ ENERGY planifikon të investojë mbi një miliard euro në energji të rinovueshme në Rumani deri në vitin 2030

Kompania energjetike HELLENiQ ENERGY planifikon të investojë mbi një miliard euro në Rumani deri në vitin 2030, me...

TRIM & LUM merr çmimin „TOP Investitor “ në TOP 100 të Odës Ekonomike

Kompania TRIM & LUM është shpërblyer me çmimin „Top Investitor“ në kuadër të manifestimit TOP 100, të organizuar...

Bien ndjeshëm çmimet e naftës dhe benzinës në Maqedoni!

mimet e benzinave pas mesnate do të lirohen për 7 denarë për litër, përcjell TV21. Ndërkaq, sipas Komisionit...