Ministri i Bujqësisë Cvetan Tripunovski, dje njoftoi se Qeveria ka shpallur thirrje publike për mbështetje të bujqve të rinj për të filluar veprimtarinë bujqësore.
Ai tha se vlera e grantit është 600.000 denarë ose 10.000 euro, që përfaqëson 100% të shpenzimeve të bëra.
“Kushtet të cilat duhet të plotësohen janë: personi që aplikon të jetë në moshë prej 18 deri në 40 vjeç; të jetë hera e parë që fillon me veprimtari bujqësore; të ndërmerr një ekonomi bujqësore ekzistuese ose të themelojë një të re; dhe të jetë i regjistruar në regjistrin unik të ekonomive bujqësore në 18 muajt e fundit”, tha Tripunovski.
Afati i fundit për dorëzimin e kërkesave është deri më 9 maj të këtij viti.
“Përmes masave dhe projekteve, angazhimi ynë si Qeveri është të investojmë në zhvillimin e bujqësisë, ta bëjmë atë më të konkurrueshme në treg dhe të hapim vende të reja pune për të rritur të ardhurat e bujqve. Qeveria po ia kthen dinjitetin e humbur bujqve. Puna e tyre fillon të vlerësohet siç duhet”.
“Fokusi ynë është që investimet në bujqësi të jenë të leverdishme dhe për këtë arsye vazhdojmë me mbështetje intensive për sektorin bujqësor. Të rinjtë kanë një mundësi të shkëlqyer për të nisur biznesin e tyre dhe të përfitojnë nga mundësitë që po krijojmë. Premtuam, u obliguam dhe realizojmë. Qeveria mbetet e përkushtuar në sjelljen e masave dhe projekteve për bujqit”, tha ai.
