Dimitrieska-Koçoska: Siguruam 600 milionë denarë shtesë për investime në zhvillimin e komunave

Data:

Shpërndaje:

Sot Kuvendi miratoi Propozimin e vendimit për rishpërndarjen e mjeteve midis shfrytëzuesve buxhetorë për vitin 2025, me të cilin sigurohen 600 milionë denarë mjete shtesë për projektet investuese. Ministrja e Financave Gordana Dimitrieska-Koçoska theksoi se bëhet fjalë për sigurimin e mjeteve për realizimin e investimeve në komunat që janë pjesë e konceptit tonë të zhvillimit, veçanërisht të zhvillimit në nivel lokal.

Mjetet e siguruara nga Propozimi i vendimit janë destinuar për projekte infrastrukturore dhe kapitale për zhvillimin e komunave, në përputhje me Thirrjen e publikuar dhe kriteret e përcaktuara nga ministritë kompetente. Me anë të rishpërndarjes, u siguruan gjithashtu 242.3 milionë mjete shtesë për Ministrinë e Politikës Sociale, Demografisë dhe Rinisë për kompensime destinuar mbrojtjes sociale.

Mjetet shtesë prej 600 milionë denarësh po u vihen në dispozicion komunave për investime, që do të thotë kushte më të mira për jetesën e qytetarëve dhe shërbime më të mira nga komunat. Qëllimi i Qeverisë është përkrahja e zhvillimit lokal dhe njëkohësisht përkrahja e rritjes ekonomike. Me këtë vendim, mjetet i kemi shpërndarë në buxhetet e institucioneve kompetente dhe nga aty do të transferohen në komuna në përputhje me dinamikën e zbatimit të projekteve”, theksoi ministrja e Financave, Gordana Dimitrieska-Koçoska.

Ajo shpjegoi se me vendimin e miratuar nga Kuvendi, mjetet financiare në vlerë prej 100 milionë denarësh rishpërndahen në Ministrinë e Politikës Sociale, Demografisë dhe Rinisë, 361.2 milionë denarë në Ministrinë e Arsimit dhe Shkencës, 62.4 milionë denarë në Ministrinë e Sportit dhe 60 milionë denarë në Ministrinë e Kulturës.

Siç informojnë nga Ministria e Financave, kjo shpërndarje bëhet në bazë të projekteve të dorëzuara dhe të miratuara në Thirrjen e dytë publike në të cilën komunat kanë dorëzuar projekte për realizimin e tyre. Një pjesë e mjeteve të planifikuara për realizimin e projekteve për zhvillimin lokal, të implementuara nga komunat, janë ndarë me Buxhetin fillestar për vitin 2025 në ministritë përkatëse. Plotësimi bëhet sipas projekteve të dorëzuara dhe të miratuara në Thirrjen e dytë për përkrahjen e projekteve komunale.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Artikuj të ngjajshëm

Investimet në rrjetin elektrik, bazë për zhvillimin ekonomik dhe pjesë e çmimit të energjisë

Investimet në modernizimin e rrjetit elektrik janë të domosdoshme për furnizim më të sigurt me energji elektrike, uljen...

HELLENiQ ENERGY planifikon të investojë mbi një miliard euro në energji të rinovueshme në Rumani deri në vitin 2030

Kompania energjetike HELLENiQ ENERGY planifikon të investojë mbi një miliard euro në Rumani deri në vitin 2030, me...

TRIM & LUM merr çmimin „TOP Investitor “ në TOP 100 të Odës Ekonomike

Kompania TRIM & LUM është shpërblyer me çmimin „Top Investitor“ në kuadër të manifestimit TOP 100, të organizuar...

Bien ndjeshëm çmimet e naftës dhe benzinës në Maqedoni!

mimet e benzinave pas mesnate do të lirohen për 7 denarë për litër, përcjell TV21. Ndërkaq, sipas Komisionit...