Çka po sjellë rritjen e përdorimit të substancave narkotike?

Data:

Shpërndaje:

Shkup, 14 shkurt – Fenomeni i përdorimit të lëndëve narkotike nga të miturit është tejet shqetësues në Maqedoninë e Veriut, ambientet ku të miturit përdorin këto lëndë janë të ndryshme, përfshirë edhe ambientet shkollore. Kjo flet për një situatë drithëruese ku vendet edukative janë shndërruar në vende degjeneruese dhe degraduese të nxënësve. Në vend të edukatës dhe arsimimit në shkolla “servohen” lëndët narkotike. Mbase, janë një numër i vogël i nxënësve që veprojnë në këtë mënyrë dhe janë konsumues të substancave narkotike, por për moshën në të cilën ndodhen janë të pa vetëdijshëm për veprimet që bëjnë, shkruan Zhurnal.

Rritet përdorimi i drogës te të rinjtë –

Konsumi i lëndëve narkotike mes të rinjve po bëhet një problem gjithnjë e më shqetësues. Profesori universitar dhe psikologu Lulzim Murtezani, në një intervistë për emisionin Ftesë në Studio në Alsat, theksoi se fenomeni i drogës është kompleks dhe parandalimi i tij është jashtëzakonisht i vështirë.

“Grupmosha më e rrezikuar janë të rinjtë 15-vjeçarë, ata që për shkak të kureshtjes mund të devijojnë në rrugën e tyre,” tha Murtezani, duke shtuar se faktorët kryesorë që i shtyjnë të rinjtë drejt drogës janë mungesa e eksperiencës, kureshtja, përjetimi I traumave, ankthi dhe ndjenja e të qenit të tjetërsuar nga shoqëria.

Ai theksoi nevojën për një qasje gjithëpërfshirëse në luftën kundër këtij fenomeni, duke përfshirë shkollat, familjet, shoqatat dhe mediat.

“Nëse nuk gjejmë hapësirë për dialog dhe vetëdijesim, të rinjtë mund të bien viktimë e manipulimeve dhe rrëshqasin lehtësisht në këtë rrugë.”, theksoi Murtezani në Ftesë në Studio.

Sipas tij, shoqëria shpesh e neglizhon këtë problem, ndërsa tregtia dhe konsumimi i drogës po bëhen gjithnjë e më të dukshme mes të rinjve, pa ndonjë reagim serioz nga institucionet.

Mungon një strategji e mirëfilltë për siguri dhe edukim –

Shkollat janë institucione edukative – arsimore, nxënësit janë në meshën më delikate dhe nuk janë të vetëdijshëm për pasojat e veprimeve të tyre. Fenomeni i përhapur tashmë në çdo shkollë që pas çdo aksioni policor të kapen nxënës me substanca narkotike është tregues se në çfarë niveli ndodhen shkollat në vendin tonë. Shqetësuese dhe tmerruese kur dëgjohet që të rinjtë viktimizohen si pasojë e mungesës së informimit për dëmet që vijnë nga përdorimi i substancave narkotike.

Prandaj, duhet një mobilizim i gjithanshëm për krijimin e një strategjie e cila do të ishte efikase dhe do të prodhonte rezultate produktive në reduktimin e këtij fenomeni tashmë të përhapur. Ministria e Arsimit, OJQ-të e ndryshme, institucionet e sigurisë duhet që njëzëri nëpërmjet takimeve informuese, fletushkave të ndryshme, të senzibilizojnë nxënësit për dëmet dhe pasojat që shkaktojnë përdorimi i klëndëve narkotike.

Nga ana tjetër, trekëndëshi fëmija – prindi – mësimdhënësi duhet të fuqizohet edhe më shumë që rastet e tilla të parandalohet, të merren masa preventive dhe të jenë në kontakt të përhershëm për kohën se si fëmijët e kalojnë në shkollë, dhe ndihma që i ofrohet nga stafi. Mes tjerash vlen të theksohet që është më se e nevojshme pikërisht në këtë epokë të ketë prindërim më të përgjegjshëm. /Zhurnal.mk

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Artikuj të ngjajshëm

Investimet në rrjetin elektrik, bazë për zhvillimin ekonomik dhe pjesë e çmimit të energjisë

Investimet në modernizimin e rrjetit elektrik janë të domosdoshme për furnizim më të sigurt me energji elektrike, uljen...

HELLENiQ ENERGY planifikon të investojë mbi një miliard euro në energji të rinovueshme në Rumani deri në vitin 2030

Kompania energjetike HELLENiQ ENERGY planifikon të investojë mbi një miliard euro në Rumani deri në vitin 2030, me...

TRIM & LUM merr çmimin „TOP Investitor “ në TOP 100 të Odës Ekonomike

Kompania TRIM & LUM është shpërblyer me çmimin „Top Investitor“ në kuadër të manifestimit TOP 100, të organizuar...

Mickoski: Alta Banka nuk do të përfundojë në falimentim, por do të vazhdojë të funksionojë me një pronar të ri

Kryeministri Hristijan Mickoski deklaroi se Alta Banka nuk do të përfundojë në falimentim, por do të vazhdojë të...