Blegtorët e Pollogut pa subvencione të plota për 2024-tën, skepticizëm për pagesat e vitit 2025

Data:

Shpërndaje:

Blegtorët në rajonin e Pollogut thonë se ende nuk i kanë marrë plotësisht subvencionet për vitit 2024. Siç pohojnë, deri më tani i kanë marrë pjesë-pjesë, gjë që e bën të vështirë ruajtjen e bagëtive. Për këtë arsye janë skeptik për subvencionet e 2025-tës.

 

“Subvencionet e deleve nuk janë duke i dhënë. Kur hyrën në qeveri thanë do i lëshojmë menjëherë në mars, në prill subvencionet ata nuk i kanë lëshuar të 2024 – do i lëshojnë të 2025?! Për të marrë marrin ama për të dhënë nuk japin, paguajmë bjeshkët, paguajmë mjekët, të gjithë i pagjumë. Lëshojnë me përqindje – njëherë lëshojnë 30%, njëherë 40%, njëherë 10% – një mijë, dy mijë, tre mijë euro – çka do bëjmë ne me ato pare?! Ato pare dikush në xhep i ka kapital”, tha Osman Adili – blegtor.

“Subvencionet për ne, meqë ky quhet viti dytë për ne, me lajka e propaganda vazhdojnë dy vite t’i hanë subvencionet t’i fusin në xhepat e tyre! Kjo na bën dëm të konsiderueshëm pasi që mirëmbajtja  e një tufe ka një kosto të lartë! Të mbash në dimër me drithëra e bar, të mirëmbash me ujë e sende gjithë përgjegjësia mbi supet tona, të vetë blegtorëve”, u shpreh Imer Murati – blegtor.

Zëvendësministri i bujqësisë Albrim Hoxha, i pyetur mbi këtë, na tha se subvencionet janë duke u ndarë dhe se gjatë periudhës në vazhdim bujqit do t’i marrin të gjitha subvencionet.

“Subvencionet për blegtoret deri më tani janë shpërndarë sipas kategorive: Janë paguar subvencionet në shumën prej 600 denarë. Për qengjat, janë paguar subvencionet prej 1.000 denarë. Vlera e mbetur, në shumën prej 1.400 denarë për kokë, aktualisht është në proces përpunimi dhe do të realizohet së shpejti. Subvencionet janë për të gjithë territorin e Maqedonisë së Veriut, dhe të dhënat nuk mund të ndahen sipas regjioneve”, pohoi Albrim Hoxha – zv/ministër I Bujqësisë.

 

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Artikuj të ngjajshëm

Investimet në rrjetin elektrik, bazë për zhvillimin ekonomik dhe pjesë e çmimit të energjisë

Investimet në modernizimin e rrjetit elektrik janë të domosdoshme për furnizim më të sigurt me energji elektrike, uljen...

HELLENiQ ENERGY planifikon të investojë mbi një miliard euro në energji të rinovueshme në Rumani deri në vitin 2030

Kompania energjetike HELLENiQ ENERGY planifikon të investojë mbi një miliard euro në Rumani deri në vitin 2030, me...

TRIM & LUM merr çmimin „TOP Investitor “ në TOP 100 të Odës Ekonomike

Kompania TRIM & LUM është shpërblyer me çmimin „Top Investitor“ në kuadër të manifestimit TOP 100, të organizuar...

Mickoski: Alta Banka nuk do të përfundojë në falimentim, por do të vazhdojë të funksionojë me një pronar të ri

Kryeministri Hristijan Mickoski deklaroi se Alta Banka nuk do të përfundojë në falimentim, por do të vazhdojë të...