Banka Popullore: Në vitin 2025 rritja ekonomike pritet jetë 3.5%, norma mesatare e inflacionit 3.9%

Data:

Shpërndaje:

Shkup, 5 nëntor – Për vitin 2025, ekonomia e Maqedonisë së Veriut pritet të rritet me 3.5 përqind, ndërsa norma mesatare e inflacionit do të jetë 3.9 përqind, njoftojnë sot nga Banka Popullore (BP), përcjell Telegrafi Maqedoni.

Sipas vlerësimeve të BP-së, deficiti i llogarisë rrjedhëse do të arrijë në 4.2 përqind të BPV-së, që është një zgjerim i deficitit krahasuar me vitin e kaluar.

Krahasuar me parashikimet e prillit, pritet një deficit i llogarisë rrjedhëse mesatarisht më i lartë, pavarësisht flukseve financiare që janë mesatarisht më të larta se pritjet e mëparshme.

Siç tha Guvernatori, Trajko Slaveski, pamja makroekonomike për ekonominë e vendit tregon perspektiva të forta ekonomike dhe stabilizim të mëtejshëm të inflacionit.

“Projeksionet më të fundit makroekonomike për periudhën 2025-2028 tregojnë qëndrueshmëri dhe rritje të fortë të ekonomisë. Këtë vit pritet rritje prej 3.5 përqind, në periudhën 2026-2028 do të përshpejtohej në 4 përqind. Sa i përket inflacionit, norma mesatare do të jetë 3.9 përqind, dhe në të ardhmen do të ndjekë një rrugë të përshtatjes në rënie dhe kthimit në mesataren historike”, theksoi Slaveski në një konferencë për shtyp.

Siç theksoi Slaveski, në nëntë muajt e parë të vitit 2025, aktiviteti kreditor shënoi rritje të fortë, e cila, sipas Bankës Popullore do të vazhdonte deri në fund të vitit.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Artikuj të ngjajshëm

Investimet në rrjetin elektrik, bazë për zhvillimin ekonomik dhe pjesë e çmimit të energjisë

Investimet në modernizimin e rrjetit elektrik janë të domosdoshme për furnizim më të sigurt me energji elektrike, uljen...

HELLENiQ ENERGY planifikon të investojë mbi një miliard euro në energji të rinovueshme në Rumani deri në vitin 2030

Kompania energjetike HELLENiQ ENERGY planifikon të investojë mbi një miliard euro në Rumani deri në vitin 2030, me...

TRIM & LUM merr çmimin „TOP Investitor “ në TOP 100 të Odës Ekonomike

Kompania TRIM & LUM është shpërblyer me çmimin „Top Investitor“ në kuadër të manifestimit TOP 100, të organizuar...

Mickoski: Alta Banka nuk do të përfundojë në falimentim, por do të vazhdojë të funksionojë me një pronar të ri

Kryeministri Hristijan Mickoski deklaroi se Alta Banka nuk do të përfundojë në falimentim, por do të vazhdojë të...