A e prek Kosovën vendimi i SHBA-së për ndalimin e granteve dhe kredive federale?

Data:

Shpërndaje:

Të hënën, presidenti i SHBA-së, Donald Trump, ka urdhëruar të gjitha agjencitë federale të ndalojnë dhënien e granteve dhe kredive federale, sipas një memorandumi të brendshëm.

Për të sqaruar këtë çështje, Safet Gërxhaliun, njohësi i ekonomisë në vend,  ka dhënë një pasqyrë të ndikimeve që mund të ketë ky vendim në Kosovë.

Gërxhaliu thekson se partneriteti i Kosovës me SHBA-në është shumëdimensional dhe ka rëndësi të madhe për zhvillimin ekonomik të vendit.

Sipas tij, çdo tkurrje e ndihmave për Kosovën do të ndikonte negativisht në administratën shtetërore, sektorin privat dhe veçanërisht në sektorët prodhues.

“Partneriteti i Kosovës dhe SHBA-së është i një rëndësie multi-dimensionale. Në këtë drejtim, çdo tkurrje e ndihmave për Kosovën do të jetë në dëm të administratës, në dëm të sektorit privat dhe në veçanti do të dëmtohet sektori prodhues. Dua të besoj që këto masa të proklamuara të hënën do të jenë kalimtare sepse është ngrirë për tri muajt e ardhshëm. Por, ajo çfarë e veçon Kosovën nga vendet tjera të botës, në veçanti të Ballkanit Perëndimor është se këto masa po ndodhin në kohën kur Kosova është nën sanksionin e Bashkimit Evropian, sanksione ekonomike të cilat kanë pas një kosto afër dy miliardë euro. Në këtë drejtim kjo ndalesë apo ngrirje e ndihmave do të jetë me efekte negative për administratën, për sektorin privat në Kosovë dhe në veçanti për prodhimin dhe ngritjen e kapaciteteve prodhuese në Kosovë”, tha ai për Telegrafin.

Por, është koha siç u shpreh Gërxhaliu që institucionet të gjejnë një mbështetje alternative deri në një moment të caktuar.

“Por definitivisht partneriteti dhe bashkëpunimi me Shtetet e Bashkuara të Amerikës është i një rëndësie multidimensionale për Kosovën dhe nuk ka asgjë përveç partneritetit strategjik”.

Ai tutje beson se këto masa të shpallura nga SHBA-ja do të jenë kalimtare, pasi ato janë parashikuar të jenë të përkohshme.

“Besoj që projektet e filluara do të jenë në vazhdimësi, mirëpo për tre muaj besoj që nuk mund të priten projektet e reja dhe kjo do të jetë kostoja që do ta paguaj Kosova. Po nuk është vetëm Kosova edhe vendet tjera të botës. E tëra kjo është nën ri-dizajnim të ri të SHBA-së… nuk dëshirojnë të investojnë në diçka që nuk është në vizion apo me objektivat strategjike të Shtetet e Bashkuara të Amerikës. E shoh këtë ngrirje si një analizë interne për një qasje të re ku dhe në çfarë formë të investohet në të ardhmen dhe si të ndihmojnë shtetet në mënyrë që të ketë efekte pozitive në shumë dimensione”, vlerësoi njohësi i ekonomisë.

Siç vlerësoi ai kjo situatë është pjesë e një ri-dizajnimi të mundshëm të politikave amerikane të ndihmave.

“Duhet të kuptohet që sa i përket administratës publike, USAID-i amerikan ka luajtur një rol të madh përmes trajnimeve dhe ngritjes së kapacitetit profesionale të të punësuarve, në rend të dytë kemi pas klaster të shumtë apo organizata joqeveritare që janë marrë me ngritjen në kapaciteteve të sektorit privat, qoftë në certifikim, standardizim, në prodhim apo në ndërkombëtarizim dhe nëse do zgjasin këto masa më tepër, do të ketë edhe tkurrje të të punësuarve në këto organizata jo qeveritare. Është koha kur duhet mobilizim e argumentim, të jemi pro biznesit, pro partneritet në Shtetet e Bashkuara të Amerikës dhe t’i bindim miqtë dhe aleatë ndërkombëtarë që jemi nën rrugë të drejtë”, ka thënë ndër të tjera Gërxhaliu.

 

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Artikuj të ngjajshëm

Investimet në rrjetin elektrik, bazë për zhvillimin ekonomik dhe pjesë e çmimit të energjisë

Investimet në modernizimin e rrjetit elektrik janë të domosdoshme për furnizim më të sigurt me energji elektrike, uljen...

TRIM & LUM merr çmimin „TOP Investitor “ në TOP 100 të Odës Ekonomike

Kompania TRIM & LUM është shpërblyer me çmimin „Top Investitor“ në kuadër të manifestimit TOP 100, të organizuar...

Mickoski: Alta Banka nuk do të përfundojë në falimentim, por do të vazhdojë të funksionojë me një pronar të ri

Kryeministri Hristijan Mickoski deklaroi se Alta Banka nuk do të përfundojë në falimentim, por do të vazhdojë të...

Bien ndjeshëm çmimet e naftës dhe benzinës në Maqedoni!

mimet e benzinave pas mesnate do të lirohen për 7 denarë për litër, përcjell TV21. Ndërkaq, sipas Komisionit...