VMRO-DPMNE: Mbi 800 iniciativa për energji të rinovueshme, Maqedonia po bëhet tërheqëse për investime

Data:

Shpërndaje:

VMRO-DPMNE: Mbi 800 iniciativa për energji të rinovueshme, Maqedonia po bëhet tërheqëse për investime

Politikat që po zbaton VMRO-DPMNE-ja po japin rezultate të dukshme edhe në sektorin e energjetikës. Në vetëm dy vjet janë vendosur themele të forta për pavarësi energjetike, tranzicion të gjelbër dhe një sistem modern energjetik, i cili do të sigurojë stabilitet, investime të reja dhe zhvillim të qëndrueshëm, thuhet në komunikatën e partisë.

“Pas shumë vitesh ngecjeje, Maqedonia sot ka Ligj të ri për Energjetikë, të harmonizuar me direktivat evropiane, si dhe Plan të Integruar Kombëtar për Energjinë dhe Klimën. Me këtë plan, për herë të parë përcaktohet një drejtim i qartë për dekarbonizimin, zhvillimin e burimeve të rinovueshme të energjisë dhe përmbushjen e standardeve evropiane”, thonë nga VMRO-DPMNE-ja.

Sipas partisë, besimi në këto politika dëshmohet edhe nga interesi i madh i investitorëve. Mbi 800 iniciativa investuese për projekte të reja në fushën e burimeve të rinovueshme të energjisë, siç theksojnë, tregojnë se Maqedonia po bëhet një destinacion i sigurt dhe tërheqës për investimet vendase dhe të huaja.

“Kjo nënkupton rritje të prodhimit vendor të energjisë elektrike dhe pavarësi më të madhe energjetike”, thuhet në komunikatë.

Nga partia shtojnë se Qeveria njëkohësisht po realizon projekte kapitale për modernizimin e sektorit energjetik. Sistemi shtetëror me bateri për ruajtjen e energjisë, digjitalizimi i procedurave për ndërtimin e centraleve me erë, mbështetja financiare për prodhuesit e energjisë së rinovueshme dhe zgjidhjet e reja ligjore, sipas tyre, po krijojnë një treg modern dhe konkurrues të energjisë.

Vëmendje e veçantë, siç thuhet, po i kushtohet edhe efikasitetit energjetik. Përmes rindërtimit të objekteve publike, krijimit të Fondit për Efikasitet Energjetik, sigurimit të mjeteve të reja financiare nga partnerët ndërkombëtarë dhe vendosjes së detyrimit për instalimin e paneleve diellore në objektet publike, synohet ulja e konsumit të energjisë, zvogëlimi i shpenzimeve dhe mbrojtja e mjedisit.

VMRO-DPMNE-ja vlerëson se mbështetja financiare që Maqedonia po merr nga Komisioni Evropian, Banka Evropiane për Rindërtim dhe Zhvillim, Banka Botërore dhe partnerë të tjerë ndërkombëtarë, është dëshmi shtesë se reformat e Qeverisë janë njohur si të besueshme dhe të harmonizuara me politikat evropiane.

“VMRO-DPMNE-ja do të vazhdojë me të njëjtin ritëm pune, sepse një sektor i fuqishëm energjetik është parakusht për ekonomi të fortë, investime të reja, standard më të lartë jetese dhe një të ardhme më të sigurt për të gjithë qytetarët”, thuhet në komunikatën e partisë.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Artikuj të ngjajshëm

Investimet në rrjetin elektrik, bazë për zhvillimin ekonomik dhe pjesë e çmimit të energjisë

Investimet në modernizimin e rrjetit elektrik janë të domosdoshme për furnizim më të sigurt me energji elektrike, uljen...

HELLENiQ ENERGY planifikon të investojë mbi një miliard euro në energji të rinovueshme në Rumani deri në vitin 2030

Kompania energjetike HELLENiQ ENERGY planifikon të investojë mbi një miliard euro në Rumani deri në vitin 2030, me...

TRIM & LUM merr çmimin „TOP Investitor “ në TOP 100 të Odës Ekonomike

Kompania TRIM & LUM është shpërblyer me çmimin „Top Investitor“ në kuadër të manifestimit TOP 100, të organizuar...

Mickoski: Alta Banka nuk do të përfundojë në falimentim, por do të vazhdojë të funksionojë me një pronar të ri

Kryeministri Hristijan Mickoski deklaroi se Alta Banka nuk do të përfundojë në falimentim, por do të vazhdojë të...