Mickoski: Shkup–Bllacë nis këtë muaj, Kërçovë–Ohër drejt përfundimit

Data:

Shpërndaje:

ryeministri Hristijan Mickoski pret që punimet në terren për autostradën Shkup–Bllacë të nisin deri në fund të këtij muaji. Sipas tij, procedura e përzgjedhjes së operatorit tashmë ka përfunduar, pasi janë shqyrtuar dhe mbyllur të gjitha ankesat dhe kundërshtimet në të dyja shkallët.

“Për autostradën Bllacë–Shkup, dje mora informacion se procedura e përzgjedhjes më në fund ka përfunduar. Janë përmbyllur të gjitha përgjigjet ndaj ankesave dhe kundërshtimeve, si në shkallën e parë ashtu edhe në të dytën. Procedura është kompletuar tërësisht dhe pres që aktivitetet në terren të fillojnë më së voni deri në fund të këtij muaji”, tha Mickoski.

Ndërsa për autostradën Kërçovë–Ohër, Mickoski deklaroi se një pjesë e saj deri në Vrbjan, së bashku me të gjithë tunelet, duhet të përfundojë dhe të vihet në përdorim deri më 8 shtator, në Ditën e Pavarësisë.

“Unë po lë edhe një muaj rezervë, le të jetë edhe tetori, por afërsisht bëhet fjalë për periudhën shtator–tetor. Ndërsa e gjithë korsia, pra e gjithë trasa nga hyrja e Kërçovës, aty ku përfundon qyteti, respektivisht rruga që të çon drejt Ohrit, pres të lëshohet në përdorim në janar, po them në tremujorin e parë të vitit 2027”, deklaroi Mickoski.

Përndryshe, gjatësia totale e autostradës Shkup–Bllacë është 12,5 km. Segmenti i parë prej dy kilometrash është përfunduar, por nuk të çon askund, ndonëse ka kushtuar 57 milionë euro. Ndërsa autostrada Kërçovë–Ohër prej 57 km, me të gjitha marrëveshjet aneks, ka kushtuar deri më tani mbi 600 milionë euro. Ndërtimi filloi më 22 shkurt 2014.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Artikuj të ngjajshëm

Investimet në rrjetin elektrik, bazë për zhvillimin ekonomik dhe pjesë e çmimit të energjisë

Investimet në modernizimin e rrjetit elektrik janë të domosdoshme për furnizim më të sigurt me energji elektrike, uljen...

HELLENiQ ENERGY planifikon të investojë mbi një miliard euro në energji të rinovueshme në Rumani deri në vitin 2030

Kompania energjetike HELLENiQ ENERGY planifikon të investojë mbi një miliard euro në Rumani deri në vitin 2030, me...

TRIM & LUM merr çmimin „TOP Investitor “ në TOP 100 të Odës Ekonomike

Kompania TRIM & LUM është shpërblyer me çmimin „Top Investitor“ në kuadër të manifestimit TOP 100, të organizuar...

Mickoski: Alta Banka nuk do të përfundojë në falimentim, por do të vazhdojë të funksionojë me një pronar të ri

Kryeministri Hristijan Mickoski deklaroi se Alta Banka nuk do të përfundojë në falimentim, por do të vazhdojë të...