ShA – Shkup njofton opinionin profesional se largpërçuesi 110 kV nr. 109 në relacionin TS Manastir 1 – TS Prilep 1, i rekonstruktuar, është vendosur me sukses nën tension dhe është vënë në punë të funksionimit.
Rekonstruktimi është kryer në trasën ekzistuese të linjës, ku linja ekzistuese 110 kV me shtylla të armuara-beton, e ndërtuar më shumë se 50 vjet më parë, është demontuar plotësisht dhe është zëvendësuar me linjë të re me shtylla çeliku-rrjetë. Linja e re e ndërtuar ka gjatësi totale prej 33,5 km dhe përbëhet nga 125 shtylla çeliku.
Në kuadër të projektit është kryer zëvendësim i plotë dhe montim i pajisjeve të reja përçuese dhe izoluese, duke përfshirë përçues fazorë, tel mbrojtës, izolatorë dhe pajisje shoqëruese, me çka është siguruar kapacitet i rritur transmetues i linjës dhe karakteristika elektrike dhe mekanike të përmirësuara në krahasim me gjendjen e mëparshme. Kapaciteti i rritur transmetues kontribuon në përmirësimin e besueshmërisë, stabilitetit dhe fleksibilitetit operativ të rrjetit të transmetimit të energjisë elektrike në rajon.
Projekti është realizuar në kuadër të Lot 1 – “Rekonstruktimi i largpërçuesit 110 kV TS Manastir 1 – TS Prilep 1“, i financuar përmes huasë nga Banka Evropiane për Rindërtim dhe Zhvillim (BERZh).
Punimet ndërtimore, elektromontuese dhe elektroenergjetike janë kryer në periudhën nga viti 2023 deri në 2025. Kryerës i punimeve ishte konsorciumi i udhëhequr nga JV CA Dalekovod – Zagreb, i cili i realizoi aktivitetet në përputhje me kushtet kontraktuale dhe standardet teknike në fuqi. Pas përfundimit të punimeve janë kryer të gjitha provat dhe kontrollimet teknike të parashikuara, pas çka linja është vendosur nën tension dhe është vënë në funksionim testues.
Me realizimin e këtij projekti, ShA MEPSO vazhdon me modernizimin sistematik dhe forcimin e infrastrukturës së transmetimit të energjisë elektrike, me qëllim rritjen e besueshmërisë në furnizimin me energji elektrike dhe avancimin e stabilitetit dhe kapacitetit të rrjetit transmetues.
