Duke komentuar listat për disa punësime që dyshohet se janë bërë para periudhës së zgjedhjeve, kryetari i komunës së Tetovës, Bilall Kasami siguron që në komunë nuk ka punësime fiktive, respektivisht kontrata në vepër, përcjell TV21. Kasami thotë se personat në fjalë kanë qenë të punësuar në komunë para periudhës parazgjedhore, ndërsa premton që shumë shpejtë në ueb faqen e komunës do të publikohen emrat e të gjithë të punësuarve.
“Nuk ka punësime fiktive, kontrata në vepër, të cilat kanë qenë të keqpërdorura në të kaluarën. Këto që sot janë, janë të punësuar dhe vijnë me angazhime të plota dhe u shërbejnë qytetarëve të Tetovës. Shpejt do të jenë në ueb faqe të gjithë të punësuarit në komunë të Tetovës”, tha mes tjerash Kasami.
