Mollët e Korçës me pakicë dhe më të shtrenjta këtë vit, moti i keq uli prodhimin

Data:

Shpërndaje:

Kushtet atmosferike kanë dëmtuar prodhimin e mollës në Dvoran të Korçës, duke sjellë një sasi më të vogël në treg. Si pasojë, çmimi i këtij fruti pritet të jetë më i lartë se zakonisht.

Ky vit ka qenë i vështirë për kultivuesit e mollës në zonën e Korçës, për shkak të motit të pafavorshëm që ndikoi drejtpërdrejt në rendimentin e prodhimit. Për Euronews Albania, këtë shqetësim e ngre Jorgo Braholli, fermer në fshatin Dvoran.

“Direkt nga parcela është rreth 800 lekë të vjetra për kilogram. Është një çmim rekord për shitjen me shumicë nga fermerët. Në pranverë bujqësia u godit nga temperaturat e ulëta dhe shumë varietete nuk kanë prodhim këtë vit”, – thotë Braholli.

Sipas tij, kjo situatë do të ndikojë edhe në buxhetin e konsumatorëve.

“Kemi një problem: tregu do t’i marrë me çmim të lartë dhe kjo do të prekë xhepin e qytetarëve.”

Arben Likollari, një tjetër fermer në Dvoran, i njohur për kultivimin e mollës, konfirmon se prodhimi është i pakët këtë vit. Megjithatë, ai thekson se cilësia e frutit është më e mirë se një vit më parë.

“Ka qenë një vit i vështirë për shkak të kushteve klimaterike dhe ngricave në pranverë. Megjithatë, kemi arritur të nxjerrim një prodhim cilësor. Tregtarët e pakicës marrin cilësinë super”, – shprehet Likollari.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Artikuj të ngjajshëm

Investimet në rrjetin elektrik, bazë për zhvillimin ekonomik dhe pjesë e çmimit të energjisë

Investimet në modernizimin e rrjetit elektrik janë të domosdoshme për furnizim më të sigurt me energji elektrike, uljen...

HELLENiQ ENERGY planifikon të investojë mbi një miliard euro në energji të rinovueshme në Rumani deri në vitin 2030

Kompania energjetike HELLENiQ ENERGY planifikon të investojë mbi një miliard euro në Rumani deri në vitin 2030, me...

TRIM & LUM merr çmimin „TOP Investitor “ në TOP 100 të Odës Ekonomike

Kompania TRIM & LUM është shpërblyer me çmimin „Top Investitor“ në kuadër të manifestimit TOP 100, të organizuar...

Bien ndjeshëm çmimet e naftës dhe benzinës në Maqedoni!

mimet e benzinave pas mesnate do të lirohen për 7 denarë për litër, përcjell TV21. Ndërkaq, sipas Komisionit...