Maqedonia e Veriut po merr borxh nga Banka Ndërkombëtare për Rindërtim dhe Zhvillim – Banka Botërore, me një kredi në vlerë prej 15.000.000 euro, e dedikuar për financimin shtesë të Projektit për përmirësimin e arsimit fillor, thuhet në Ligjin e dorëzuar në Kuvend.
Në ligj theksohet se Marrëveshja për kredi për financim shtesë të Projektit për përmirësimin e arsimit fillor do të nënshkruhet mes Maqedonisë dhe BIRD – Bankës Botërore.
Gjithashtu, është përcaktuar se afati i shlyerjes së kredisë është 12 vjet, me një periudhë grejsi prej tre vjetësh. Norma e interesit është EURIBOR gjashtëmujor me një marzh variabil.
– Kredia do të shlyhet në 18 këste gjashtëmujore, nga të cilat 17 këste do të jenë secila në masën prej 5,56% të shumës së kredisë, ndërsa kësti i fundit, i 18-ti, në masën prej 5,48% të shumës së kredisë. Kredia nga ky ligj do të shlyhet më 15 qershor dhe më 15 dhjetor të çdo viti – theksohet në zgjidhjen ligjore të dorëzuar deputetëve.
Parakusht për nënshkrimin e marrëveshjes është miratimi i Ligjit për huamarrje, në përputhje me procedurën për huamarrje me nënshkrimin e Marrëveshjes për kredi të përcaktuar në Ligjin për borxhin publik, si dhe pagesat për komisione ndaj bankës.(INA)
