Ministri Mexhiti me një furnizim të ri për Rusinon – investim mbi 1.1 milion euro

Data:

Shpërndaje:

Ministria e Mjedisit Jetësor dhe Planifikimit Hapësinor sot nënshkroi kontratën për furnizimin me mekanizëm special për nevojat e deponisë rajonale Rusino, në kuadër të Projektit Rajonal për Menaxhimin e Mbeturinave të Ngurta.

Me kontratën, me një vlerë të përgjithshme prej 1.142.200 euro, do të furnizohet mekanizëm i plotë i domosdoshëm për menaxhim modern dhe të sigurt të mbeturinave – duke përfshirë kompaktor, ngarkues, traktor me rimorkio për ujë, kamion dhe pjesë rezervë. Ky furnizim vjen si përgjigje e drejtpërdrejtë ndaj kërkesës që iu drejtua ministrit Mexhiti gjatë vizitës së tij të fundit në terren në deponinë Rusino, me ç’rast ai menjëherë u angazhua që të përgjigjet ndaj nevojave me mbështetje konkrete.

Financimi është siguruar përmes Bankës Evropiane për Rindërtim dhe Zhvillim (BERZH), me mbështetje shtesë nga Sekretariati Shtetëror për Çështje Ekonomike i Zvicrës (SECO), Korniza Investuese për Ballkanin Perëndimor (WBIF) dhe Qeveria e Suedisë përmes SIDA-s.

“Kjo blerje përfaqëson një hap të rëndësishëm drejt vendosjes së një sistemi funksional rajonal për menaxhimin e mbeturinave në rajonin e Pollogut. Jemi mirënjohës për mbështetjen e partnerëve tanë ndërkombëtarë, të cilët për vite me radhë janë aleatë tanë në përpjekjet për avancimin e standardeve mjedisore,” deklaroi ministri i Mjedisit Jetësor dhe Planifikimit Hapësinor dhe zëvendëskryeministri i parë i Qeverisë, Izet Mexhiti.

Me sigurimin e këtij mekanizmi, deponia Rusino do të mund të funksionojë sipas standardeve ekologjike, duke përmirësuar ndjeshëm kushtet për mjedisin jetësor dhe shëndetin e qytetarëve në rajon.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Artikuj të ngjajshëm

Investimet në rrjetin elektrik, bazë për zhvillimin ekonomik dhe pjesë e çmimit të energjisë

Investimet në modernizimin e rrjetit elektrik janë të domosdoshme për furnizim më të sigurt me energji elektrike, uljen...

HELLENiQ ENERGY planifikon të investojë mbi një miliard euro në energji të rinovueshme në Rumani deri në vitin 2030

Kompania energjetike HELLENiQ ENERGY planifikon të investojë mbi një miliard euro në Rumani deri në vitin 2030, me...

TRIM & LUM merr çmimin „TOP Investitor “ në TOP 100 të Odës Ekonomike

Kompania TRIM & LUM është shpërblyer me çmimin „Top Investitor“ në kuadër të manifestimit TOP 100, të organizuar...

Bien ndjeshëm çmimet e naftës dhe benzinës në Maqedoni!

mimet e benzinave pas mesnate do të lirohen për 7 denarë për litër, përcjell TV21. Ndërkaq, sipas Komisionit...