Ministri i Shëndetësisë, Azir Aliu, në intervistë për televizionin e Maqedonisë tha se ikja e mjekëve është trend botëror por është shumë e nevojshme që shtetet të marrin masat e duhura për ta ndalë këtë ikje. Në këtë rast Aliu mendon që përmes tre masave konkrete mund të ndalet dhe menaxhohet ikja e punëtorëve shëndetësor.
“Ky është trend gjithandej në botë, ne bëjmë një plan të optimizimit të proceseve brenda dhe krijimit të infrastrukturës bazike që të ketë mundësi për punë. Pra, ne fillë mendojmë se nëse ka kushte për punë që i përshtatet nevojave kompaktibile që kanë motrat medicinale e mjekët dhe të gjithë të punësuarit tjerë shëndetësor. Mendoj që kjo do të jetë një arsye që ata të qëndrojnë në vend sepse do të jenë të kënaqur me punën e tyre që e bëjnë dhe në mënyrën si e bëjnë”, tha ministri i Shëndetësisë, Azir Aliu.
Përveç kësaj ministri Aliu parasheh edhe dy masa tjera konkrete përmes të cilave mund të ndalet migrimi i mjekëve dhe punëtorëve shëndetësor.
“Mënyra tjetër për t’i ndalë mjekët këtu në vend është rrugëtimi profesional, ku secili nga të punësuarit shëndetësor do ta kenë të qartë e të lehtë avancimin në karrierën e tyre profesionale. Dhe, pjesa e tretë që është po aq e rëndësishme pra aspekti financiar, rritja e rrogave të të punësuarve”, përfundoi Aliu.
