MASH: Thirrje e re për subvencionimin e racionit të studentëve, ndryshojnë kushtet

Data:

Shpërndaje:

Ministria e Arsimit dhe Shkencës (MASH) njofton se janë bërë ndryshime në Ligjin për Subvencionimin e Racionit të Studentëve, konform të cilit zgjerohet përfshirja e masës.

Siç njoftojnë nga MASH, tani e tutje statusi i punësimit nuk është kusht kufizues për studentët, ndaj të drejtën do ta kenë të gjithë studentët e rregullt në studime deridiplomike që kanë të ardhura mujore më të ulëta se paga minimale neto mesatare, si dhe studentët e regjistruar në studimet pasdiplomike dhe studimet e integruara në universitetet shtetërore dhe private në vend.

“Në përputhje me ndryshimet ligjore, në këtë link është publikuar thirrje e re për realizimin e së drejtës, në të cilën mund të aplikojnë të gjithë studentët që i përkasin ndonjë prej kategorive në përputhje me përfshirjen e zgjeruar të masës. Afati i aplikimit për këtë thirrje të jashtëzakonshme zgjat prej më 14 deri më 16 prill. Megjithatë, studentët të cilët e kanë ushtruar këtë të drejtë deri më tani, nuk janë të detyruar të aplikojnë për thirrjen, përkatësisht vazhdojnë të shfrytëzojnë masën”.

“Subvencionimi i racionit të studentëve është mbështetje financiare në shumë prej 140 denarë, të cilën studenti e merr nga Ministria e Arsimit dhe Shkencës për blerjen e ushqimit të përgatitur. Shfrytëzuesit kanë të drejtë të përdorin shërbimin nga e hëna deri të shtunën gjatë vitit akademik, me përjashtim të periudhës prej më 1 korrik deri më 1 tetor, si dhe gjatë festave zyrtare dhe ditëve jopune”.

“Nga muaji i ardhshëm – maj të vitit 2025, do të vazhdojë obligimi i Ministrisë së Arsimit dhe Shkencës për publikimin e thirrjeve në baza mujore, nga data 1 deri më datë 5 të muajit, ku do të mund të aplikojnë të gjithë studentët të cilët më parë nuk i plotësonin kushtet ose për ndonjë arsye tjetër nuk aplikuan dhe nuk e realizuan këtë të drejtë. Zgjerimi i përfshirjes së masës është kërkesë e Trupit kombëtar studentor. Vazhdon bashkëpunimi i mirë i Mash-it  me organizatat studentore, si dhe përpjekjet e institucionit për të lehtësuar procesin arsimor të të rinjve. Në Buxhetin e Ministrisë për vitin 2025, mjetet për standardin e studentëve janë rritur për 18% në krahasim me vitin e kaluar dhe arrijnë gati në 2 miliardë denarë”, thonë nga MASH.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Artikuj të ngjajshëm

Investimet në rrjetin elektrik, bazë për zhvillimin ekonomik dhe pjesë e çmimit të energjisë

Investimet në modernizimin e rrjetit elektrik janë të domosdoshme për furnizim më të sigurt me energji elektrike, uljen...

HELLENiQ ENERGY planifikon të investojë mbi një miliard euro në energji të rinovueshme në Rumani deri në vitin 2030

Kompania energjetike HELLENiQ ENERGY planifikon të investojë mbi një miliard euro në Rumani deri në vitin 2030, me...

TRIM & LUM merr çmimin „TOP Investitor “ në TOP 100 të Odës Ekonomike

Kompania TRIM & LUM është shpërblyer me çmimin „Top Investitor“ në kuadër të manifestimit TOP 100, të organizuar...

Bien ndjeshëm çmimet e naftës dhe benzinës në Maqedoni!

mimet e benzinave pas mesnate do të lirohen për 7 denarë për litër, përcjell TV21. Ndërkaq, sipas Komisionit...