Gërxhaliu: Shqetësuese rënia e eksporteve “Made in Kosova”

Data:

Shpërndaje:

Numërimi i tejzgjatur i votave dhe vonesa në epilogun e zgjedhjeve po krijojnë stagnim në proceset shtetërore, e në veçanti në ato ekonomike.

Mungesa e investimeve të huaja është shqetësuese për të ardhmen ekonomike të Kosovës.

Procesi gjyqësor me ish-krerët e UÇK-së dhe shtetit, sanksionet ekonomike të BE-së ndaj Kosovës, raportet e zbehura me aleatët strategjikë si SHBA-ja dhe vendet evropiane, si dhe mungesa e stabilitetit politik, që lidhet kryesisht me dialogun me Serbinë, janë arsye shqetësuese për të ardhmen ekonomike të Kosovës dhe për investimet e huaja.

Mungesa e një diplomacie aktive të Kosovës, në veçanti asaj ekonomike, po dëmton edhe më shumë imazhin e vendit.

Ka filluar një rend i ri botëror, “Trampizmi”, dhe si duket, Kosova nuk po e kupton nevojën dhe arsyen për reflektim dhe ndryshim të qasjes.

Është shqetësuese situata në sektorin privat, e në veçanti në atë prodhues, ku bilanci tregtar dy mujor për vitin 2025 është 120.65 milionë euro eksporte dhe 985.76 milionë euro importe.

Gjithashtu, shqetësuese është situata në sektorin e energjisë elektrike, ku ka paralajmërime për ngritje të çmimit për 15%, që do të jetë një goditje e rëndë për sektorin, e në veçanti për atë prodhues.

Tentativa për tregun e lirë të energjisë për biznese do të jetë një barrë shtesë, sepse, krahas çmimit të lartë të energjisë elektrike, transporti i saj do të rrisë koston dhe do të ndikojë në mënyrë zinxhirore edhe në çmimin e produkteve vendore, duke ulur konkurrueshmërinë në tregjet rajonale dhe më gjerë.

Partneriteti me sektorin privat dhe zhvillimi ekonomik i qëndrueshëm duhet të jetë prioritet i prioriteteve për çdo qeveri që do të themelohet në të ardhmen.

 

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Artikuj të ngjajshëm

Investimet në rrjetin elektrik, bazë për zhvillimin ekonomik dhe pjesë e çmimit të energjisë

Investimet në modernizimin e rrjetit elektrik janë të domosdoshme për furnizim më të sigurt me energji elektrike, uljen...

HELLENiQ ENERGY planifikon të investojë mbi një miliard euro në energji të rinovueshme në Rumani deri në vitin 2030

Kompania energjetike HELLENiQ ENERGY planifikon të investojë mbi një miliard euro në Rumani deri në vitin 2030, me...

TRIM & LUM merr çmimin „TOP Investitor “ në TOP 100 të Odës Ekonomike

Kompania TRIM & LUM është shpërblyer me çmimin „Top Investitor“ në kuadër të manifestimit TOP 100, të organizuar...

Bien ndjeshëm çmimet e naftës dhe benzinës në Maqedoni!

mimet e benzinave pas mesnate do të lirohen për 7 denarë për litër, përcjell TV21. Ndërkaq, sipas Komisionit...