Ish-presidenti i Maqedonisë së Veriut Gjorge Ivanov ka zhvilluar një vizitë në Dhomën e Tregtisë të Ankarasë (ATO), ku është pritur nga Kryetari i Bordit Drejtues të ATO-s, Gürsel Baran, transmeton Anadolu.
Sipas njoftimit nga ATO, në takimin që ka realizuar me ish-presidentin Ivanov, Baran ka theksuar se Maqedoninë e Veriut e sheh si çelësin e paqes në Ballkan dhe se marrëdhëniet investuese dhe tregtare mes dy vendeve po zhvillohen vit pas viti.
Duke vënë në dukje se Maqedonia e Veriut është pothuajse një bazë për sa u përket tregtisë dhe investimeve të jashtme, Baran tha:
“Përderisa tregtia jonë e jashtme ishte 400 milionë dollarë 10 vjet më parë, sot ajo ka kaluar 900 milionë dollarë. Kompanitë tona turke kanë investime në Maqedoninë e Veriut prej afro 2 miliardë dollarësh, në fusha që variojnë nga bankat në ndërtim, menaxhimi i aeroportit te arsimi, tekstile dhe veshje të gatshme deri te sigurimet. Përditësimi i marrëveshjes së tregtisë së lirë midis Türkiyes dhe Maqedonisë së Veriut është gjithashtu në agjendë. Ne besojmë se tregtia mes vendeve tona do të rritet më tej me zgjerimin e marrëveshjes në fusha të reja”.
Ivanov, në kuadër të vizitës së tij në Türkiye, dje u prit nga kryeparlamentari turk Numan Kurtulmuş, ndërsa sot gjithashtu mori pjesë në një konferencë të titulluar “Marrëdhëniet turko-maqedonase”.
