Kredi për blerje pajisjesh, kapital qarkullues, apo dhe investime tek pasuritë e paluajtshme janë arsyet që i shtynë bizneset dhe individët të paraqiteshin më shpesh pranë bankave në 2024. Më së shumti në lekë dhe më pak në euro si pasojë dhe e luhatjeve të kësaj monedhe, kredia e re e disbursuar për vitin që lamë pas arriti në 379.8 miliardë lekë, 19% më shumë se në 2023.
Një paralajmërim i Bankës së Shqipërisë për një shtrëngim të kushteve për dhënie të kredive , i nxiti më shumë shqiptarët të merrnin në fundvit. Në dhjetor nga 11 bankat tregtare në vend u mor hua 47.8 miliardë lekë, duke shënuar vlera rekord për 2024.
