Pas disa muajsh zhvlerësimi në raport me Lekun, monedha evropiane ka fituar pikë, duke u këmbyer me 100 Lekë.
Kjo është vlera e kursit të këmbimit valutor Bankës së Shqipërisë për këtë fund Janari, duke shënuar kështu realitet të ri me një rritje me 3 pikë. Vetëm këtë fillim Janari monedha evropiane ra në vlerën e 97.87 Lekë, duke pasur një rritje të monedhës vendase.
Gjithashtu rritje kanë pësuar edhe monedhat e tjera si dollari amerikan dhe paundi britanik. Ndërkohë që edhe në pikat private të tregut valutor, Euro këmbëhet me 99,3 Lekë. Një rritje me mbi dy pikë, e krahasuar me një javë më parë.
Megjithëse kursi i këmbimit është shoqëruar me ulje-ngritje të here pas hershme, e që prej Gushtit, 1 Euro ka vijuar të këmbehet me më pak se 100 Lekë për një periudhë të gjatë kohore. Konkretisht, sipas statistikave të Bankës së Shqipërisë niveli më i ulët do të regjistrohej në 26 Shtator 2024 ku 1 Euro u këmbye me 97.97 Lekë.
Analizat e Bankës së Shqipërisë kanë arritur në përfundimin se rritja e flukseve hyrëse të monedhës europiane i detyrohet kryesisht rritjes së eksportit të shërbimeve dhe sidomos të turizmit, rritjes së investimeve të huaja, veçanërisht në blerjen e pasurive të paluajtshme.
Për stabilizimin e Euros, Banka e Shqipërisë ka kryer disa ndërhyrje gjatë vitit të kaluar. Edhe përgjatë vitit 2025, Banka Qendrore synon të blejë përmes ankandeve 270-350 milionë Euro.
Tv Klan
