Ekonomia e Maqedonisë ka nevojë për 50 mijë punëtorë të huaj në vit

Data:

Shpërndaje:

Mbi 34.000 shtetas të huaj kanë ardhur për të punuar në Maqedoni në 5 vitet e fundit. Agjencia e Punësimit vitin e kaluar ka lëshuar 8.844 leje pune dhe mendime për punësimin e shtetasve të huaj dhe krahasuar me vitin para pandemisë 2019, kur erdhën 3.500 të huaj, numri është dy herë e gjysmë më i madh, informon PressOnline.al

Sektori i biznesit vazhdimisht alarmohet për problemin e mungesës së punëtorëve dhe ky është një sfidë me të cilën përballet në mënyrë permanente jo vetëm ekonomia jonë, por të gjitha ekonomitë në botë.

“Mendoj se ne kemi hapësirë, me atë që unë personalisht besoj se kemi numër tepër të madh të njerëzve në administratën publike. Dhe jam i bindur, unë kam kontakte të përditshme me njerëz nga atje, ata janë njerëz të mrekullueshëm, një pjesë e madhe profesionistë, të cilët duan të hyjnë në sektorin privat. Nëse më pyesni mua, një numër prej 40.000 njerëzve që do të mund të vinin në sektorin privat me një lloj ndihme për kompanitë që do t’i merrnin, mendoj se ai presion do të ulet së paku për 2-3 vitet e ardhshme, sepse jam i bindur se tani sektori privat është më atraktiv se sektori publik”, thotë Darko Vellkov nga “Vrabotuvanje.com”, përcjell PressOnline.al

Nga Qeveria tashmë kanë paralajmëruar se për shkak të shpërnguljes së të rinjve dhe trendeve demografike, deri në vitin 2030 vendi do të ketë nevojë për importimin e 50.000 punëtorëve të huaj në vit për të ruajtur rritjen ekonomike. Të ngjashme janë edhe parashikimet e ndërmjetësuesve të punësimit.

“Fakt është se 9.000 njerëz është shumë pak. Për ekonominë në Maqedoni sipas meje nevojiten rreth 40.000, 50.000, ndoshta edhe 60.000 njerëz që do të punonin, të cilët mungojnë për momentin. Kështu me siguri edhe kompanitë do të mund të përparojnë”, thotë Darko Vellkov nga “Vrabotuvanje.com”.

Përndryshe, në Maqedoni kryesisht importohen punëtorë të përgjithshëm. Numri më i madh i lejeve të punës në periudhën nga viti 2019 deri në vitin 2026 është lëshuar për të huajt që kanë ardhur të punojnë në sektorin e ndërtimit, industrinë përpunuese, tregtinë dhe hotelerinë.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Artikuj të ngjajshëm

Investimet në rrjetin elektrik, bazë për zhvillimin ekonomik dhe pjesë e çmimit të energjisë

Investimet në modernizimin e rrjetit elektrik janë të domosdoshme për furnizim më të sigurt me energji elektrike, uljen...

HELLENiQ ENERGY planifikon të investojë mbi një miliard euro në energji të rinovueshme në Rumani deri në vitin 2030

Kompania energjetike HELLENiQ ENERGY planifikon të investojë mbi një miliard euro në Rumani deri në vitin 2030, me...

TRIM & LUM merr çmimin „TOP Investitor “ në TOP 100 të Odës Ekonomike

Kompania TRIM & LUM është shpërblyer me çmimin „Top Investitor“ në kuadër të manifestimit TOP 100, të organizuar...

Mickoski: Alta Banka nuk do të përfundojë në falimentim, por do të vazhdojë të funksionojë me një pronar të ri

Kryeministri Hristijan Mickoski deklaroi se Alta Banka nuk do të përfundojë në falimentim, por do të vazhdojë të...