Maqedonia e Veriut avancoi në listën e pasaportave më të fuqishme, tani është në vendin e 41-të

Data:

Shpërndaje:

Pasaporta e Maqedonisë së Veriut renditet e 41-ta në listën e pasaportave më të fuqishme në botë, sipas rangut të publikuar nga faqja “Henley & Partners”, përcjell TV21. Ky është një avancim për pasaportën e vendit tonë, krahasuar me vitin e kaluar, kur ishte renditur në vendin e 45-të në këtë listë.

Me pasaportën maqedonase mund të udhëtohet pa vizë në 129 destinacione në mbarë botën. Pozita më e lartë e pasaportës Maqedonisë së Veriut në këtë listë ka qenë në vitin 2014, kur renditej e 36-ta.

Në Ballkan, pasaportën më të fuqishme e ka Kroacia, e cila renditet ndër vendet më të larta globalisht, me qasje pa vizë në 184 destinacione. Serbia ndodhet në vendin e 35-të me 137 destinacione të aksesueshme pa vizë, ndërsa Mali i Zi renditet i 42-ti me 128 destinacione. Shqipëria dhe Bosnja e Hercegovina ndajnë vendin e 45-të dhe 46-të, me qasje në 123 dhe 122 destinacione përkatësisht, ndërsa Kosova ka renditjen më të ulët në rajon, në vendin e 63-të, me 81 destinacione pa vizë.

Ndër vendet më të fuqishme globalisht, kryeson Singapori me akses pa vizë në 193 destinacione, i ndjekur nga Koreja e Jugut dhe Japoni, me 190 dhe 189 destinacione respektivisht. Pasaportat e vendeve evropiane si Franca, Gjermania, Italia, Spanja dhe Zvicra renditen gjithashtu në krye të listës, duke u lejuar qytetarëve të tyre lëvizje të gjerë pa vizë në mbarë botën.

Renditja e Henley Passport Index bazohet në numrin e vendeve që qytetarët e një shteti mund të vizitojnë pa vizë, me vizë në ardhje ose me autorizim elektronik (eTA). Ajo ofron një pasqyrë të fuqisë ndërkombëtare të pasaportave dhe lirisë së lëvizjes së qytetarëve.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Artikuj të ngjajshëm

Investimet në rrjetin elektrik, bazë për zhvillimin ekonomik dhe pjesë e çmimit të energjisë

Investimet në modernizimin e rrjetit elektrik janë të domosdoshme për furnizim më të sigurt me energji elektrike, uljen...

HELLENiQ ENERGY planifikon të investojë mbi një miliard euro në energji të rinovueshme në Rumani deri në vitin 2030

Kompania energjetike HELLENiQ ENERGY planifikon të investojë mbi një miliard euro në Rumani deri në vitin 2030, me...

TRIM & LUM merr çmimin „TOP Investitor “ në TOP 100 të Odës Ekonomike

Kompania TRIM & LUM është shpërblyer me çmimin „Top Investitor“ në kuadër të manifestimit TOP 100, të organizuar...

Bien ndjeshëm çmimet e naftës dhe benzinës në Maqedoni!

mimet e benzinave pas mesnate do të lirohen për 7 denarë për litër, përcjell TV21. Ndërkaq, sipas Komisionit...