Ministrja e Financave Gordana Dimitrieska-Koçoska do të marrë pjesë në Samitin Ekonomik të Stambollit 2025, më 11 dhe 12 dhjetor, që do të mbahet në Stamboll, Turqi. Në këtë samit do të marrin pjesë përfaqësuesit e lartë të qeverive, organizatave ndërkombëtare, sektorit afarist, si dhe komunitetit akademik.Në hapjen e këtij samiti, më 11 dhjetor, ministrja do të mbajë fjalim hyrës mbi temën “Ekuilibri i ri dhe bashkëpunimi global, në të cilin do t’i potencojë sfidat aktuale të ekonomisë globale dhe rëndësinë e krijimit të lidhjeve ekonomike të fuqishme dhe rezistente.
Më 12 dhjetor, ajo do të mbajë fjalim në panelin e diskutimit “Kahjet e reja të financave globale: ekuilibrat e reja, valutat dixhitale dhe aleancat ekonomike”, kushtuar të ardhmes së sistemeve financiare, rolit të rritjes së valutave dixhitale dhe zhvillimit të partneriteteve ekonomike midis vendeve.
Fokusi i samitit është determinuar në politikat ekonomike për rritjen e qëndrueshme, përforcimin e bashkëpunimit ekonomik midis vendeve dhe zhvillimin e partneriteteve të reja.
Në këtë samit do të diskutohet mbi ekonominë globale, zhvillimin e qëndrueshëm dhe ekonominë e gjelbër, energjetikën dhe financat, transformimin dixhital, si dhe rolin e arsimit në tërheqjen e investimeve të huaja.
