Ndërsa Shqipëria prezantoi Diellën, ministren e parë virtuale të vendit, Kazakistani ka bërë një hap të ngjashëm, duke emëruar një drejtues AI në bordin e fondit të tij sovran, Samruk-Kazyna.
Ky sistem, i quajtur SKAI (Samruk-Kazyna Artificial Intelligence), merr vendime strategjike, financiare dhe qeverisëse, duke bërë Kazakistanin një nga vendet e para në botë që integron inteligjencën artificiale në vendimmarrje publike.
SKAI funksionon në superkompjuterin Al Farabium të Kazaktelecom dhe është trajnuar me dokumente interne që datojnë që nga viti 2008.
Sistemi mund të votojë në vendime të bordit dhe synon të mbështesë vendimmarrje më të saktë dhe të balancuar për aktivitetet e fondit sovran.
Drejtori AI u prezantua për presidentin Kassym-Jomart Tokayev gjatë forumit Digital Bridge 2025, më i madhi i teknologjisë në Azinë Qendrore.
