Ministrja Federale Austriake Klaudia Plakolm në vizitë pune në EVN Maqedoni

Data:

Shpërndaje:

Shkup, 7 Tetor 2025 – Vizitë pune në EVN Maqedoni nga Ministrja Federale e Austrisë për Evropë, Integrim dhe Familje, znj. Klaudia Plakolm

Në ambientet e kompanisë EVN Maqedoni, më 6 tetor 2025, u zhvillua një vizitë pune nga Ministrja Federale e Austrisë për Evropë, Integrim dhe Familje, znj. Klaudia Plakolm.

Delegacioni austriak u shoqërua nga Ministrja e Energjisë, Minierave dhe Lëndëve të Para të Republikës së Maqedonisë së Veriut, znj. Sanja Bozhinovska, si dhe nga Shkëlqesia e Tij Martin Pammer, Ambasador i Republikës së Austrisë në vend, së bashku me përfaqësues të tjerë nga Ambasada Austriake.

Gjatë vizitës, të ftuarit patën mundësi të njihen nga afër me arritjet e EVN Maqedoni në vitet e fundit, me fokus të veçantë në investimet, zhvillimin dhe zgjidhjet moderne digjitale. Një nga pikat më tërheqëse të turit ishte vizita në Qendrën Dispeçerike – nyja qendrore për menaxhimin digjital të rrjetit shpërndarës në nivel kombëtar.

Në fjalën e tij përshëndetëse, Kryetari i Bordit Drejtues të EVN Maqedoni, z. Wolfgang Maier, theksoi se legjislacioni dhe rregulloret e hartuara nga Ministria e sapokrijuar e Energjisë janë jashtëzakonisht përparimtare dhe plotësisht të harmonizuara me tregun evropian. Sipas tij, kjo e pozicionon Maqedoninë e Veriut fuqishëm në hartën energjetike të Evropës, pavarësisht se ende nuk është anëtare e Bashkimit Evropian.

Ministrja Bozhinovska vlerësoi bashkëpunimin e frytshëm me EVN Maqedoni, duke e cilësuar kompaninë si shembull i shkëlqyer i mënyrës se si një investitor i huaj mund dhe duhet të bashkëpunojë me institucionet shtetërore – jo vetëm për të zhvilluar veprimtarinë e vet, por edhe për të kontribuar në zhvillimin e përgjithshëm shoqëror.

Ministrja austriake, znj. Klaudia Plakolm, shprehu kënaqësinë për këtë vizitë dhe u shpreh e impresionuar nga sinergjia ndërmjet sektorit publik dhe atij privat në Maqedoninë e Veriut. Ajo theksoi rëndësinë e krijimit të kushteve të favorshme nga institucionet për mbështetjen dhe prosperitetin e kompanive, duke e përmendur bashkëpunimin ndërmjet Ministrisë së Energjisë dhe EVN Maqedoni si një shembull pozitiv dhe frymëzues.

Gjatë takimit u theksua edhe bashkëpunimi i gjatë dhe i suksesshëm midis Austrisë dhe Maqedonisë së Veriut në fushën e energjetikës, i cili përfaqëson një model të shkëlqyer të shkëmbimit të njohurive, përvojave dhe praktikave më të mira.

EVN Maqedoni, si pjesë e Grupacionit EVN me seli në Austri, mbetet e përkushtuar ndaj investimeve në modernizim, digjitalizim dhe zhvillim të qëndrueshëm, me një synim të qartë: të sigurojë një të ardhme energjetike të qëndrueshme, efikase dhe të gjelbër për të gjithë konsumatorët.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Artikuj të ngjajshëm

Investimet në rrjetin elektrik, bazë për zhvillimin ekonomik dhe pjesë e çmimit të energjisë

Investimet në modernizimin e rrjetit elektrik janë të domosdoshme për furnizim më të sigurt me energji elektrike, uljen...

HELLENiQ ENERGY planifikon të investojë mbi një miliard euro në energji të rinovueshme në Rumani deri në vitin 2030

Kompania energjetike HELLENiQ ENERGY planifikon të investojë mbi një miliard euro në Rumani deri në vitin 2030, me...

TRIM & LUM merr çmimin „TOP Investitor “ në TOP 100 të Odës Ekonomike

Kompania TRIM & LUM është shpërblyer me çmimin „Top Investitor“ në kuadër të manifestimit TOP 100, të organizuar...

Bien ndjeshëm çmimet e naftës dhe benzinës në Maqedoni!

mimet e benzinave pas mesnate do të lirohen për 7 denarë për litër, përcjell TV21. Ndërkaq, sipas Komisionit...