Murtezani-Dvorzhak: Vizion i përbashkët për rajon të integruar evropian

Data:

Shpërndaje:

Ministri për Çështje Evropiane, Orhan Murtezani, sot në Pragë mbajti takim pune me Ministrin për Çështje Evropiane të Republikës Çeke, Martin Dvorzhak. Në kuadër të bisedimeve u theksua bashkëpunimi i ngushtë dhe miqësor midis dy vendeve dhe u riafirmua angazhimi strategjik për thellimin e marrëdhënieve bilaterale dhe intensifikimi i bashkëpunimit në kuadër të integrimit evropian.

Ministri Dvorzhak shprehu mirënjohje për progresin e vazhdueshëm të Maqedonisë së Veriut në procesin euro-integrues, duke theksuar rëndësinë e zbatimit të reformave si bazë për negociatat aderuese për anëtarësim në Union.

Siç thuhet në njoftim, ministri Murtezani shprehu mirënjohje për mbështetjen e zëshme dhe konsistente të Republikës Çeke për politikën e zgjerimit, duke theksuar rolin e saj si partner parimor dhe të besueshëm në këtë proces strategjik.

“Ai theksoi se integrimi evropian mbetet prioritet strategjik për Maqedoninë e Veriut, ku transferimin e përvojës dhe ekspertizës institucionale çeke në fushën e negociatave aderuese dhe shfrytëzimi i fondeve evropiane paraqet burim të rëndësishëm për progresin e kapaciteteve nacionale. Murtezani dhe Dvorzhak vlerësuan se zbatimi konsistent i reformave nuk është vetëm parakusht për progresin e negociatave aderuese në Union, por edhe faktor thelbësor për përforcimin e besimit dhe besueshmërisë së të gjithë procesit euro-integrues”.

“Në takim gjithashtu u theksua rëndësia e zhvillimit dhe ndihmës teknike, si dhe bashkëpunimi i frytshëm deritanishëm përmes instrumenteve IPA Tuining dhe TAIEX. Ministri Murtezani theksoi se ekzistojnë mundësi e rëndësishme për thellimin e këtij bashkëpunimi në më shumë sektorë, duke përfshirë edhe projektet e përbashkëta në kuadër të programeve territoriale evropiane, siç janë Interreg Europe dhe Euro-Med. Ministri Dvorzhak theksoi se Republika Çeke është e gatshme të ndajë përvojën e saj në fushën e politikave evropiane dhe të mbështesë përforcimin institucional të Maqedonisë së Veriut përmes formave të reja të partneritetit”.

“Ministrat Dvorzhak dhe Murtezani përshëndetën realizimin e suksesshëm të më shumë projekteve të rëndësishme të mbështetura nga Ambasada e Republikës Çeke në Republikën e Maqedonisë së Veriut, të kahësuar drejt përmirësimit të kushteve në arsim, me theks të veçantë tek fëmijët me nevoja të veçanta, si dhe inkurajimin e zhvillimit lokal përmes rregullimit të shtigjeve për këmbësorë dhe biçikleta dhe mbështetjes së iniciativave rinore. Njëherit u shqyrtua edhe mundësia për zgjerimin e bashkëpunimit bilateral zhvillimor në fusha të reja me interes të ndërsjellë, duke përfshirë edhe shkëmbimin e ekspertizës dhe njohurive relevante për integrimin evropian”, thuhet në njoftim.

Në fund të takimit, bashkëbiseduesit u dakorduan për vazhdimin e dialogut të rregullt politik dhe avancimin e bashkëpunimit ekonomik, institucional dhe zhvillimor, me vizion të përbashkët për rajon të qëndrueshëm, prosperues dhe të integruar evropian.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Artikuj të ngjajshëm

Investimet në rrjetin elektrik, bazë për zhvillimin ekonomik dhe pjesë e çmimit të energjisë

Investimet në modernizimin e rrjetit elektrik janë të domosdoshme për furnizim më të sigurt me energji elektrike, uljen...

HELLENiQ ENERGY planifikon të investojë mbi një miliard euro në energji të rinovueshme në Rumani deri në vitin 2030

Kompania energjetike HELLENiQ ENERGY planifikon të investojë mbi një miliard euro në Rumani deri në vitin 2030, me...

TRIM & LUM merr çmimin „TOP Investitor “ në TOP 100 të Odës Ekonomike

Kompania TRIM & LUM është shpërblyer me çmimin „Top Investitor“ në kuadër të manifestimit TOP 100, të organizuar...

Mickoski: Alta Banka nuk do të përfundojë në falimentim, por do të vazhdojë të funksionojë me një pronar të ri

Kryeministri Hristijan Mickoski deklaroi se Alta Banka nuk do të përfundojë në falimentim, por do të vazhdojë të...