Aliu: Digjitalizimi është një nga shtyllat kyçe për përmirësimin e sistemit shëndetësor

Data:

Shpërndaje:

 

Ministri i Shëndetësisë, Azir Aliu, mbajti fjalim në hapjen solemne të Kongresit të 21-të të Mjekëve të Maqedonisë, i cili tradicionalisht organizohet nga Shoqata e Mjekëve të Maqedonisë dhe konsiderohet si tubimi më i madh mjekësor në vend, me rreth 600 pjesëmarrës dhe shumë ligjërues eminentë nga vendi dhe jashtë tij.

Gjatë fjalimit të tij, ministri Aliu u fokusua veçanërisht në shëndetësinë digjitale dhe digjitalizimin si një nga shtyllat kryesore për përmirësimin e kujdesit shëndetësor dhe të sistemit në tërësi.

“Në kuadër të strategjisë së përgjithshme për digjitalizimin dhe optimizimin e sistemit shëndetësor, tashmë kemi paralajmëruar edhe një zgjidhje të re softuerike, në formë aplikacioni, i cili do ta lehtësojë komunikimin dhe lëvizjen e pacientit nëpër sistemin shëndetësor. Qëllimi është që aplikacioni t’i mundësojë pacientit që në çdo kohë të fusë treguesit shëndetësorë, mbi bazën e të cilëve mjeku amë apo specialisti do të mund të reagojë menjëherë – qoftë me ndryshimin e terapisë apo dhënien e rekomandimeve për trajtim të mëtejshëm. Nëse sistemi detekton vlera jashtë normales, automatikisht do të japë alarm”, theksoi në fjalimin e tij ministri Aliu.

Aliutha se kongrese të tilla përfaqësojnë një mundësi të shkëlqyer për shkëmbimin e njohurive dhe përvojave midis ekspertëve të shumtë dhe se me ekspertizën e tyre profesionale kontribuojnë në ngritjen e nivelit të shkencës dhe praktikës mjekësore.

Në Kongresin e 21-të të Mjekëve të Maqedonisë, fjalim mbajti edhe kryetari i Shoqatës së Mjekëve të Maqedonisë, Goran Dimitrov.

Shoqata e Mjekëve të Maqedonisë këtë vit feston jubileun 80-vjeçar dhe është shoqata profesionale më e vjetër në vend që i bashkon të gjithë mjekët. Një segment veçanërisht i rëndësishëm në punën tonë është edukimi i vazhdueshëm mjekësor, përmes organizimit të ligjëratave profesionale, si dhe dhënia kontribut në krijimin dhe modifikimin e protokolleve mjekësore në fusha të ndryshme, theksoi Dimitrov.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Artikuj të ngjajshëm

Investimet në rrjetin elektrik, bazë për zhvillimin ekonomik dhe pjesë e çmimit të energjisë

Investimet në modernizimin e rrjetit elektrik janë të domosdoshme për furnizim më të sigurt me energji elektrike, uljen...

HELLENiQ ENERGY planifikon të investojë mbi një miliard euro në energji të rinovueshme në Rumani deri në vitin 2030

Kompania energjetike HELLENiQ ENERGY planifikon të investojë mbi një miliard euro në Rumani deri në vitin 2030, me...

TRIM & LUM merr çmimin „TOP Investitor “ në TOP 100 të Odës Ekonomike

Kompania TRIM & LUM është shpërblyer me çmimin „Top Investitor“ në kuadër të manifestimit TOP 100, të organizuar...

Mickoski: Alta Banka nuk do të përfundojë në falimentim, por do të vazhdojë të funksionojë me një pronar të ri

Kryeministri Hristijan Mickoski deklaroi se Alta Banka nuk do të përfundojë në falimentim, por do të vazhdojë të...