Kosova nuk është më “shtet fragjil”! Banka Botërore e largon nga lista pas 15 vitesh!

Data:

Shpërndaje:

Ministri i Ekonomisë dhe Financave, Hekuran Murati, ka ndarë sot një nga lajmet më pozitive për Kosovën në arenën ndërkombëtare: Banka Botërore e ka larguar zyrtarisht Kosovën nga Lista e Shteteve Fragjile dhe në Situatë Konflikti.

Pas më shumë se 15 vitesh si shtet anëtar, ky vendim përfaqëson një moment historik dhe një dëshmi konkrete e stabilitetit institucional dhe qëndrueshmërisë ekonomike të Republikës së Kosovës.

“Ky ndryshim përbën avancim të jashtëzakonshëm dhe i vulos arritjet tona si shtet. Largimi nga kjo listë do të ketë ndikim pozitiv në perceptimin ndërkombëtar dhe rrit besueshmërinë e investitorëve të huaj,” theksoi Murati.

Ministri vlerësoi gjithashtu bashkëpunimin e ngushtë me Bankën Botërore, si dhe koordinimin e suksesshëm ndërmjet institucioneve vendore, përfshirë Ministrinë e Financave, Punës dhe Transfereve dhe Bankën Qendrore të Kosovës.

Ekspertët presin që ky zhvillim të hapë rrugë për rritje të investimeve, rritje të kreditimit dhe kushte më të mira financiare për Kosovën në tregjet ndërkombëtare.

Murati përfundoi me një falënderim për të gjithë ata që kontribuan në këtë arritje, duke e cilësuar si një fitore të përbashkët të institucioneve dhe qytetarëve të Kosovës. (INA)

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Artikuj të ngjajshëm

Investimet në rrjetin elektrik, bazë për zhvillimin ekonomik dhe pjesë e çmimit të energjisë

Investimet në modernizimin e rrjetit elektrik janë të domosdoshme për furnizim më të sigurt me energji elektrike, uljen...

HELLENiQ ENERGY planifikon të investojë mbi një miliard euro në energji të rinovueshme në Rumani deri në vitin 2030

Kompania energjetike HELLENiQ ENERGY planifikon të investojë mbi një miliard euro në Rumani deri në vitin 2030, me...

TRIM & LUM merr çmimin „TOP Investitor “ në TOP 100 të Odës Ekonomike

Kompania TRIM & LUM është shpërblyer me çmimin „Top Investitor“ në kuadër të manifestimit TOP 100, të organizuar...

Mickoski: Alta Banka nuk do të përfundojë në falimentim, por do të vazhdojë të funksionojë me një pronar të ri

Kryeministri Hristijan Mickoski deklaroi se Alta Banka nuk do të përfundojë në falimentim, por do të vazhdojë të...