Mickoski: Investim prej 1 miliard euro për qendra energjetike me gaz

Data:

Shpërndaje:

Kryeministri i Maqedonisë së Veriut, Hristijan Mickoski, nga Kumanova ka shpallur një lajm të rëndësishëm për të gjithë vendin, duke njoftuar se në mbledhjen e djeshme të Qeverisë është zyrtarizuar një memorandum bashkëpunimi me kompaninë ndërkombëtare Kazandzhi Group, e cila është një gjigant botëror në sektorin e energjetikës, shkruan Flaka. Sipas Mickoskit, kompania është e interesuar të investojë 1 miliard euro në ndërtimin e qendrave kogjenerative me gaz, të cilat ai i cilësoi si zgjidhja e vetme afatgjatë për ndotjen e ajrit.

“Çdo zgjidhje tjetër do të thotë vetëm fshehje e problemit nën qilim. Me këtë projekt tregojmë se mendojmë dhe veprojmë për të ardhmen e shtetit tonë”, theksoi Mickoski.

Krahas kësaj, kryeministri njoftoi edhe për një investim tjetër strategjik: ndërtimin e një parku me erë prej 450 milionë eurosh, që do të shtrihet në tre komuna – Karbinci, Shtip dhe Radovish.

“Nuk ka ligje të posaçme, nuk ka blerje të garantuar të energjisë për 20-30 vjet. Bëhet fjalë për një investitor që do të investojë 450 milionë euro, ndërsa shteti do të përfitojë 100 milionë euro shtesë në BPV, që do të përbëjë 20% të prodhimit të përgjithshëm të energjisë elektrike – një hap drejt balancimit të energjisë në vend”, shtoi Mickoski.

Këto projekte, sipas kryeministrit, tregojnë një qasje të re, të qëndrueshme dhe afatgjatë, me qëllim përmirësimin e cilësisë së ajrit dhe sigurimin e pavarësisë energjetike të Maqedonisë së Veriut. Flaka

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Artikuj të ngjajshëm

Investimet në rrjetin elektrik, bazë për zhvillimin ekonomik dhe pjesë e çmimit të energjisë

Investimet në modernizimin e rrjetit elektrik janë të domosdoshme për furnizim më të sigurt me energji elektrike, uljen...

HELLENiQ ENERGY planifikon të investojë mbi një miliard euro në energji të rinovueshme në Rumani deri në vitin 2030

Kompania energjetike HELLENiQ ENERGY planifikon të investojë mbi një miliard euro në Rumani deri në vitin 2030, me...

TRIM & LUM merr çmimin „TOP Investitor “ në TOP 100 të Odës Ekonomike

Kompania TRIM & LUM është shpërblyer me çmimin „Top Investitor“ në kuadër të manifestimit TOP 100, të organizuar...

Bien ndjeshëm çmimet e naftës dhe benzinës në Maqedoni!

mimet e benzinave pas mesnate do të lirohen për 7 denarë për litër, përcjell TV21. Ndërkaq, sipas Komisionit...